ރޮއި ހަޅޭކުން ސިއްކަޖެހި ތަކުބީރުތައް ވޭ ދޫމަތީ
ރޮއިލަރޮއިލާ ތޯ ތިބުން މުސްލިމް ފަލަސްތީނަށް އޮތީ
ބޮން ރޮކެޓު ހުއްޓާނުލާ އޮއްސާލަނީ އިސްރާއިލީން
ދަންވަރެއް ރޭގަނޑު ދުވާލެއް ނެތި އެ ބިރުވެރިކަންމަތީ
ދުނިޔެއާ ދުނިޔޭގެ ބާރާ ޙައްޤު އިސްސާނީ ކޮބާ؟
ކުނިވެ ގަބުރާއެކު ޢިމާރާތް ކުނޑިވެދާ އިރު ފަސްމަތީ
ކެތްނުވޭ ތަތްތެޅި ލެޔާއެކު ތުއްތު ޅަ ދަރީން ރޯ އަޑަށް
ހިތްތަކޭ ވިރެމުން ދަނީ އުފުލާ ހަދާއިރު އަތްމަތީ
އެންމެ ހިނދުކޮޅަކަށް ފުރާ ނޭވާނުލެވި ކުކުރުމުތެރޭ
ފެންފޮދެއް ބޯލަން ނުލިބި ޣާޒާވަނީ ހާސްކަންމަތީ
ދިރިއުޅެން ހިޔަލެއްގެ މިންވަރު ނެތި ފުރާނަ އަތަށް ނަގައި
ހިރިލުމަށް ނުކުޅެދިވަނީ ހައިހޫނުކަމުގައި މަގުމަތީ
މުސްކުޅީންނާ އަންހެނުން ޅަކުދީން މަރާލަން ތަންދެމުން
ގަސްތުގައި މުސްލިމް ބޮޑެތި ބާރުން ތިބީ މާނިދިމަތީ
"އިންނަމަލް މުއުމިން" ނިދާއިން ވާގި ލިބިގެން ތެދުވަމާ!
ބިންތަކާ ޖީލެއް އެތައް ނެތި ގެއްލިދާ އިރު ލޯމަތީ
ޔާއިލާހީ! ނަސްރު ދެއްވާނދޭ! ފަލަސްތީނަށް މިއަދު
ދާއިމީ ހިޔަލަކު އުޅެން ލިބި ފަހި އުފާވެރިކަންމަތީ