އެމެރިކާއިން ކިޔީވަށް ދިނުމަށް ވަޢުދުވެފައިވާ އެފް 16 ގެ ހަނގުރާމަމަތީ މަތިންބޯޓުތައް މި އަންނަ ޚަރީފު މޫސުމުގައްޔާއި ފިނިމޫސުމުގައި ބޭނުންކުރަން ލިބޭނެކަމުގެ އުންމީދެއް ނެތްކަމަށް ޔުކްރޭންގެ ވައިގެ ބާރުތަކާބެހޭ ތަރްޖަމާން ޔޫރީ އިހަނަޓް ވިދާޅުވެއްޖެއެވެ.
އޭނާ ޔުކްރޭންގެ ޓީވީ ޗެނެލްތަކަށް ދެއްވި ބަޔާނެއް ބުނާގޮތުގައި "އަހުރެމެންގެ ހުޅަނގުގެ އެކުވެރީންގެ ކިބައިން މި މަތިންދާބޯޓުތައް ދިނުމަށް މި ދަނީ އާދޭސްކުރަމުންނެވެ. އެހެނަސް މި އަހަރު އެ ބޯޓުތައް ނުލިބޭނެކަން މިހާރު ޔަޤީންވެއްޖެއެވެ."
ޔުކްރޭނުގެ ރައީސް ޒިލެންސްކީ ވިދާޅުވާ ގޮތުގައި ރަޝިޔާ ބަލިކޮށް ހަނގުރާމަ ނިންމައި ލެވޭނީ އޭރުންނެވެ.
އެމެރިކާގެ ރައީސް ޖޯ ބައިޑްން މި ހުސްވި މޭ މަހު ވަނީ ޔުކްރޭނުގެ ޕައިލެޓުންނަށް މި ބޯޓުފަހަރު ބޭނުންކުރުމަށް ބޭނުންވާ ތަމްރީނުތައް ދިނުމަށް އެއްބަސްވެ ވަޑައިގެންފައެވެ. އެހެނަސް ރައީސް ބައިޑްން ބޯޓު ދިނުމާ ބެހޭގޮތުން ވަކި ތާރީޚެއް ކަނަޑައެއް ނާޅުއްވައެވެ.
ހުޅަނގު ތަކްރާރުކޮށް ބުނާގޮތުގައި ރަޝިޔާ ބަލިކުރުމަށް ހުޅަނގުން ކިޔީވަށް ހުރިހާ އެހީއެއް ވާނެއެވެ. އެހެނަސް ނޭޓޯއާ ރަޝިޔާއާ ދެމެދުގައި ސީދާ ހަނގުރާމައަކަށް ދިޔުމަށް އެމެރިކާއަކުން ނޭދެއެވެ.