އާ އަހަރު ލައިގަތީއޭ އާ އަޒުމުތައް ކުރާށޭ
މާޒީގެ އިބުރަތުން ވާ އާ ދަރުސުތައް ހިފާށޭ
ނުވެވުނު ކަމެއް ކުރަންވާ ނުވެވުނު ގޮތެއް ބަލައިފާ
ކުރެވޭނެ ހެޔޮގޮތެއް އާ ހޯދަން ނަޒަރު ކުރާށޭ
ސަބަބާއި ސިއްރު އެނގިގެން ނުބަޔާ ހެވާ ބަލައިގެން
އަބަދަށް ޓަކައި ހިނގޭހެން މަގުތައް ތެދަށް ކޮށާށޭ
އަންނާނެ ތީރު ހަމަލާ ދަންނާށެ ތޫނު ވިހަލާ
ވަންނާނެ ހިތުގެ މަގުގައި ސިކުނޑީގެ އަތްއަޅާށޭ
ދީނާއި ގައުމު ފޭރޭ މީހުން ތަނުން ނެރޭށޭ
ސީދާ ދިވެހި ލެއައިގެން ކުރިމަގު އަލުން ހިފާށޭ
ގައުމުގެ ބަހާއި ދުޝްމިނު ދުރުކޮށް ފިކުރު ވިސްނުން
ގައުމީ ބަހުގެ ބަގީޗާ ހައްދަން އަލުން ހިނގާށޭ
މީހުންގެ އޮތް ޙުޤޫޤާ މިނިވަން ކަމުގެ ޙުދޫދާ
ދީނުގެ ވިމާތް ޢަޤީދާ އޮޅުވައި ނުލާބަލާށޭ
ވެރިކަމުގެ ޙުރުމަތާ އޮތް ކަރަމާއި ހައިބަތާ ދެން
ފިރުކައިނުގެން މިދީބުން ފުރިހަމަ ހެދުން އަޅާށޭ
ވަޠަނުން މިފެންނަ ހާލާ ތެދުވަން ޖެހޭ އުސޫލާ
ބަޠަލުންގެ އިހުގެ ގައުމީ ފަތްފުށްތަކުން ބަލާށޭ
ނަމަނަމަ މަގޭ ދަރީންނޭ ބަހަކުން ނެތޭ ފުދޭކަށް
ޢަމަލީ އަތާއި ފަޔަކުން ގައުމީ ދަތުރު ފަށާށޭ