ޙަރާމް ކަމަކަށް ބަޙުސް ކޮށްގެން ޙަލާލު ކަމެއްކަމަށް ނުހެދޭނެ
ޙަލާލުކަމެއް ޙަރާމް ކަމަކަށް ހަދަން ފާހެއް ނުވެސް ކުރެވޭނެ
ކިތަންމެ ފުޅާވެފައި ބޮޑު އަޣްލަބިއްޔަތު އަދި އޮތަސް ލިބިފައި
ހިތަށްއެރި ކޮންމެ ގޮތަކަށް މިތަނުގައި އުޅެވޭކަށެއް ނޯންނާނެ
ވަރަށް ނިކަމެތި ބައެއް އަޅަމެންނަކީ މަތިހަށި ނަގައި އުޅުނަސް
މަރަށް ޙާޒިރުވެ ނިމި ދާނޭ ވަގުތުވެސް އަޅަމެނަށް ނޭނގޭނެ
ޙަލާލު ޙަރާމަކީ ޤުރްއާނުގައި ކަނޑައެޅި އެނގޭ ކަންކަން،
ނަގައި ޕާޓީގެ ވޯޓު ތަކުން އެދޭ ގޮތަކަށް ނުއެއް ނިންމޭނެ
ކަމެއްލިބުމާ އެކީގައި "އާސްމާނަށް ހިތް އަރައިގެން ގޮސް"
ތަމެއް ހެއްދެވި ފަރާތަށް ގޮންޖަހައި، މަތިހަށި ތިހެން ނުނެގޭނެ
ތިހެން އޮޑިއަށް ވުރެން މާބޮޑު ރިޔަލުގައި ދަތުރު އަދި ފެށިއަސް
މިއޮތް ގަދަ ކަނޑުގެ މޯޖު ތެރޭ ތިހެން ދުއްވާކަށެއް ނުކެރޭނެ
ތިހެން "ކުކުޅަށްވުރެން އަދި ބިސް ދޮށީވެ" އުޅެން ދިމާނުކުރާތި،
ތިހެން އާކުކުޅު އެއަޅާ ގާބިހެއް" ދަރިމައިވެގެން ނުވިހާނެ
ތިރީގަޑިއަށް، މޮޅެތި ބެޓްރީ އަޅައިގެން އަބަދު ހަމަކުރިއަސް،
"މަތީގަޑި ނުޖެހެނީސް" އެއްވެސްކަމެއް ވާކަށް ނުއެއް އޮންނާނެ
"ލިބުނު ބޮޑު އަަޣްލަބިއްޔަތަކުން ދުނިޔެ ހިތަކަށް ލިބުނުކަމުގައި
ބެލުނުނަމަ ދެން ހަލާކުވެދާ ކަށެއް މާގިނަ ހިނދެއް ނުނަގާނެ"
