އަހަރެންނަކަށް މިއަދަކު ނެތޭ ނުކިޔާ މިލަވަ ދެން ވާކަށެއް
ފަހަތުން ޖަހާ ބެރަކަށްމަގޭ ނުނަށާ މަޑުން ހުރެވޭކަށެއް
އަހަރެންގެ ޖާނީދުޝްމިނުން ދާނޑުގަ އެދުހު ތިބި ލަޝްކަރުން
އަހަރެންގެ އަދު މިތުރުން ކަމަށް ނުބަލާ ކޮޅަށް ތެދުވޭކަށެއް
ގޭދޮށު އަވައްޓެރިޔާ އަކީ ލޭބޯ އަބަދު ވިހަ ފަންޏަކީ
ދޭތީ ހަކުރު ބޮޑުބޭ ކަމަށް ނުކިޔާ ފަރަކުޖެއްސޭކަށެއް
މާޒީގެ ލިޔެދިން ފަތްފުށާ ތާރީޚު ހެކިދޭ އިބުރަތާ
ޣާޒީންގެ ސާބިތު ހިއްވަރާ ފަރުދާނުކޮށް އުޅެވޭކަށެއް
ބާޑީފަށުން ނެރެގެންދަމާ ބާޒީ މަށަށް ދިނަތީ ނަމާ
ޣާޒީގެ ލަގަބާ ފައްޓަރާ އަޅުވައިނުދީ ވެސް ވާކަށެއް
އޭނާ ބުނީމާ އަނގަވަތަށް ވެއްޓެން ވިޔަސް އަދި ބަނޑުވަތަށް
ވޭނާ އެކީ އަނދަވަޅުތަކަށް ފުންމައިނުލާ ހުރެވޭކަށެއް
ތުނިވާތަނެއް ގޮސް ފޫދިޔަސް އުނިވާތަނެއް ނެތި ހުސްވިޔަސް
ބުނިހާ ކަމެއް އަދު ކޮށް ނުދީ ގޮނޑިއަށް ސަވާރުވެވޭކަށެއް
ހެޔޮކަމުގެ ކުލަލާ ބޭރުގާ ތެޔޮހަން ދަމާނޭ މާދަމާ
ހެޔޮއެދި ބަޔަކު ބުންޏަސް އަލުން އެ ހަގީގަތަށް ދީލޭކަށެއް
ދަމަކަށް ނުދޫކޮށް ވެސް ދަމަކު ލަވަމުން ހަޅޭ އުޅުނަސް ބަޔަކު
ހަމަކަށް ނުވަންޏާ ތަދު މަގޭ ވަރިހަމަ ނުކޮށް ވެސް ވާކަށެއް
އަހަރެންގެ ނަފުސަށް ވެސް ހަޔާތް އޮޅުވާލުމަށް މަޖުބޫރުވޭ
އަހަރެންގެ މައްޗަށް އަހުރެނަށް ބާރެއް ނެތޭ ފޯރާކަށެއް