ޕްރޮގްރެސިވް ކޯލިޝަނުން މާލޭގައި ރޭ ބޭއްވި މުޒާާހަރާގެ ތެރެއިން ދެ ފުލުހެއްގެ ގަޔަށް ހައްޕުނޑު ޖެހި މައްސަލައެއް ފުލުހުން ބަލަަން ފަށައިފި އެވެ.
ފުލުހުންގެ މީޑިއާ އޮފިޝަލް ވިދާާޅުވީ އެ މައްސަލަ ފުލުހުން ތަހުގީގް ކުރަމުން އަންނަ ކަމަށާއި ނަމަވެސް މިހާތަނަށް އެއްވެސް މީހަކު ހައްޔަރުކޮށްފައިވާނުވާ ކަމަށެވެ.
މުޒާހަރާގެ ތެރެއިން ދެ ފުލުހުންގެ ގަޔަށް ހައްޕުނޑު ޖެހި މައްސަލައާ ގުޅިގެން ކޮމިޝަނާ އޮފް ޕޮލިސް މުހައްމަދު ހަމީދު ކުރައްވާފައިވާ ޓުވީީޓެއްގައި ވިދާޅުވެފައި ވަނީ އެ އަމަލަކީ ވަރަށް ވެސް ނާތަހުޒީބު އަމަލެއް ކަމަށާއި އެ އަމަލް އެންމެ ހަރުކަށި އިބާރާތުން ކުށްވެރި ކުރައްވާ ކަމަށެވެ.
Two of our officers who were performing public order policing duties were spat at by a protester(s) tonight. We are still in the midst of the #COVID19 pandemic and have had the highest number of local infections today. Strongly condemn this uncivilised act. Will be investigated. pic.twitter.com/nihF1NyVGp
— Mohamed Hameed (@M_Hameedh) July 28, 2020
"މުޒާހަރާގެ ތެރެއިން ދެ ފުލުހުންގެ ގަޔަށް ހައްޕުނޑު ޖެހީ އެ ދެ ފުލުހުންގެ ގާނޫނީ ވާޖިބު އަދާ ކުރަމުން ދަނިކޮށް. އެ އަމަލަކީ ވަރަށް ވެސް ނާތަހުޒީބު އަމަލެއް. އެކަން އެންމެ ހަރުކަށި އިބާރާތުން ކުށްވެރި ކުރަން،" ފޮޓޯތަކާ އެކު ކޮމިޝަނާ ކުރެއްވި ޓުވީޓްގައިވެ އެވެ.
ހައްޕުނޑު ޖެހި ކަމަށް ވިދާޅުވެ ކޮމިޝަނާ ކުރެއްވި ޓްވީޓުގައި އޮތް ފޮޓޯއެއްގައި ފުލުސް މީހާގެ ކޮނޑުމަތީގައި ރީތިކޮށް އޮތް ފޯއްފޮއްޗެއް ވެސް އޮތެވެ. އެހެންކަމުން އެއީ ފުލުހުންގެ ރޭވުމެއް ކަމަށް ބުނެ ފުލުހުންނާ ދިމާލަށް މީސްމީޑިއާގައި ދަނީ ރައްދު ދެމުންނެވެ.
ރޭގެ މުޒާހަރާގެ ތެރެއިން ދެ މީހަކު ވަނީ ހައްޔަރުކޮށްފަ އެވެ.
advertisment
