ފިނިފެންމަލުން ޒީނަތްވެލީ ކަންކޮޅުތަކެއް ލޯ ހުޅުވިހާ
ހިނިތުން ވަމުން ބަރަކާތުގައި ކުރުމުން ސަލާމް عيدالضحى
ހިތްތަކުގެ ބޭރާ އެތެރެއާ ޠާހިރު ކުރުވި ރަމްޒީ ފިދާ
އަތްތަކުގެ ތެދުވެރި ޢަމަލުގައި ސާބިތު ކުރީ عيدالضحى
އުފަލުގެ ހަގީގީ މަންބަޢަށް ރޫޙީގޮތުން ވާސިލް ވެދާ
އުފަލެއްކުރުން ހިއްސާ، އަދާ ބައްދަލުކުރީ عيدالضحى
ވެދުމާ ސަލާމާ ތަހުނިޔާ ތަކުރާރުވާ ސިއްރާ އުފާ
ހަދިޔާ ބަދަލުވާ ހާދިސާ ޒިކުރާ ކުރީ عيدالضحى
އުފުލާ ނިދާ ވައިރޯޅިޔާ ފަތުރާލުމުން ޢީދުގެ ހިޔާ
އުފުލާލަމޭ ހެޔޮ ތަހުނިޔާ މޫސުމުގެ އައި عيدالضحى
