އާނގަވަޅަކުން ފޭދިގެން އައި އަލިކަމަށް ބެލުނީ ހިތުން
ނޭނގި ނަމަވެސް މޯޅިއަށްދެމި ތެދުވި އިހްސާސުގެ ގޮތުން
ހިތުތެރޭގައި މާ ކުރިން ކުރަހާ ހިތުން ކުރި ރަން ބިނާ
ހުތުރުގޮތަކަށް ދުނިޔެއަށް ފެނުނަސް ނުބައިވީ ސާޢަތުން
ވިޔަނުވާ އުއްމީދުތައް މައުޞޫމު ހިތަކުން އުފެދިގެން
ދިޔަގޮތުން ކެހިވެރި ދަލެއްގައި ތާށިވީ ރުހި ހިތް އަތުން
އިޝްޤު ވަނުމަށް ހުޅުވި ދޮރަކުން ވަދެ ހިތަށް ވިސްނައިދިނީ
ކަޝްފުކޮށް އިއްޒަތް ނަގާލަން، ލޯބި ދިންހާ ލައްޒަތުން
ރުހި އެ މަސްތީ ބީހުމަށް ޖިސްމާއި ވިންދާ މަޑުމަޑުން
ދަހިވެ އާދަވި ނޭނގި ކަންކަންވީ ގޮތާ އަދި ހާލަތުން
ލޯބި ފުން އިހުސާސުގައި ގެނބި، އިންތަކުން ހިތް ބޭރުވެވި
ލޯބި އަސްލީ އޮންނަގޮތް، އޮޅުވައިލި ލޯތްބެއް ހީލަތުން
ލިބުނު އުފަލާ ލައްޒަތުން ފަސްބައި ފުރާލަން ބޭނުމަސް
ހިބަކުރީ އަނިޔާގެ ވޭންތައް ލޯބި އިންޒާރުގެ ރަތުން
ކެހިތަކާ މަޅިތަކުގެ ދަލުގައި ތާށިކޮށްފައި ލޯބިވާ
އެ ހުރިހާ ގުޅުމެއް ކަނޑާލީ، އަދު އޮތީ ކަނޑުގައި ފެތުން
ޒީނަތުގެ ބުނުމެއް މި ނޫނޭ! މީ އުޞޫލޭ ކަން ހިނގާ
ވޭނަކަށްފަހު ހާ އުފާވެރިކަން ލިބޭނޭ ރަޙުމަތުން
