ބޮލީވުޑްގެ މަޝްހޫރު ތަރި އައިޝްވާރިއާ ރާއީ ބަޗަން އާއި ދަރިފުޅު އަރާދިޔާ ކޮވިޑްްް އަށް ޕޮޒިޓިވްވުމާ ގުޅިގެން މުމްބާއީީގެ ހޮސްޕިޓަލުން ފަރުވާ ދިނުމަށްފަހުު ރަނގަޅުވެގެން ގެއަށް ދޫކޮށްލައިފި އެވެ.

އަބީޝޭކް ބަޗަން އޭނާގެ ޓުވިއާ އެކައުންޓްގައި ބުނެފައި ވަނީ އައިޝްވާރިއާ އާއި އަށް އަހަރުގެ އަރާދިޔާ ކޮވިޑް19 އަށް ނެގެޓިވްވެފަައިވާ ކަަމަށާއި އެ ދެމައިން މިއަދު ހޮސްޕިޓަލުން ދޫކޮށްލުމުން ގެއަށް ގޮސްފައިވާ ކަަމަށެވެ.

Thank you all for your continued prayers and good wishes. Indebted forever. 🙏🏽
Aishwarya and Aaradhya have thankfully tested negative and have been discharged from the hospital. They will now be at home. My father and I remain in hospital under the care of the medical staff.

— Abhishek Bachchan (@juniorbachchan) July 27, 2020

"އައިޝްވާރިއާ އާއި އަރާދިޔާ ކޮވިޑް އަށް ޓެސްޓްކުރުމުން ނެގެޓީވް ވުމާ ގުޅިގެން މިހާރު ވަނީ ހޮސްޕިޓަލުން ދޫކޮށްލާފައި، އެމީހުން މިހާރު ވަނީ ގެއަށް ގޮސްފައި،" އަބީޝޭކް ބުންޏެެވެ.

ނަމަވެސް އަބީޝޭކް އާއި އޭނާގެ ބައްްޕަ އަމީތާބްް ބައްޗަން އަށް އަދިވެސް ގެންދަނީ މުމްބާއީގެ ހޮސްޕިޓަލްގައި ކޮވިޑަށް ފަރުވާ ދެމުންނެވެ.

އައިޝްވާރިޔާ އާއި އޭނާގެ ދަރިިފުޅު ދޫކޮށްލާފައި މިވަނީ ކޮވިޑަށް ފަރުވާ ދިނުމަށް ހޮސްޕިޓަލަށް ގެންދިޔަތާ 10 ދުވަސް ފަހުންނެވެ.

ކޮވިޑް19 އަށް އިންޑިއާގައި ޕޮޒިޓިވްވި މީހުންގެ ތެރޭގައި އެންމެ ހައިޕްރޮފައިލް ބަޔަކީ ބަޗަން އައިލާ އެވެ. އާބާދީގައި 1.3 ބިިލިއަަން މީހުން ހިމެނޭ އިންޑިޔާގައި މިހާތަނަށް 1.4 މިލިއަަން މީހުންނަށް މިބަލި ވަނީ ޖެހިފަ އެވެ. ކޮވިޑް ޖެހިގެން އިންޑިއާގައި މިހާތަަނަށް 33 ހާސް މީހުން މަރުވެފަައިވާ ކަމަށް ރިޕޯޓްތަކުގައިވެ އެވެ.