އަވަށްޓެރި ސްރީލަންކާގެ ދަރަނި އިންތިހާއަށް މަތިވެ، އިޤްތިޞާދު އިނދަޖެހި، ޤައުމު ބޮޑު ހަމަނުޖެހުންގަނޑެއްގެ ތެރެއަށް ވެއްޓިއްޖެއެވެ.

ބޭހާއި ކާބޯތަކެއްޗާއި ގޭހާއި ތެލާ ނުލިބި ރައްޔިތުން އަސާސީ ޚިދުމަތްތަކަށް ޖެހިއްޖެއެވެ. މި ހާލަތަށް ސްރީލަންކާ ވެއްޓުނީ ކީއްވެ ހެއްޔެވެ؟

1. ސްރީލަންކާއަކީ 21 މިލިއަން މީހުންގެ އާބާދީ އޮންނަ ޤައުމެއް. މިއީ އެ ޤައުމު މިނިވަން ވީންސުރެ އިޤްތިޞާދީ ގޮތުން މި ދަރަށް ވެއްޓުނު ފުރަތަމަ ފަހަރު.
2. ސްރީލަންކާގެ އިޤްތިޞާދު ބަރޯސާވެފައިވަނީ ފަތުރުވެރިކަމަށް. ސައިފަތާއި ދަނޑުވެރިކަމުގެ ސިނާޢަތުން އިޤްތިޞާދަށް ލިބެނީ ނިސްބަތުން ކުޑަ އާމުދަނީއެއް. ދަނޑުވެރިކަމުގައި ކެމިކަލް ބޭނުންކުރުން 2019 ވަނަ އަހަރު މަނާކުރުމުން އެ ސިނާޢަތުން ލިބެމުންދިޔަ ނަފާ ދެބައިކުޅަ އެއްބަޔަށް ދަށަށް ދިޔަ.
3. ޤައުމު ބިނާކުރުމާއި ޢުމްރާނީ ތަރައްޤީގެ ބޮޑެތި ހުރިހާ މަޝްރޫޢެއް ހިންގަނީ ބޭރު ޤައުމުތަކުންދޭ ލޯނުގެ އެހީގައި.
4. އަސާސީ ޚިދުމަތްތަކަށް ބުރޫ އަރައިގެން އުޅެނީ ބޭނުންވާ ވަރަށް ބޭރު ފައިސާ ނުލިބިގެން. މިހެން ދިމާވީ ކޮވިޑް-19ގެ ސަބަބުން ފަތުރުވެރިކަމަށް ޤައުމު ބަންދުކުރުމުން.
5. ސްރީލަންކާ އިޤްތިޞާދީ ފުން ވަޅުގަނޑަށް ވެއްޓިގެން މިއުޅެނީ ޗައިނާގެ "ދަރަނި ދަންތުރަ"އިގައި ޖެހިގެން ކަމަށް އިޤްތިޞާދީ މާހިރުން ވިދާޅުވޭ.
6. ސްރީލަންކާގެ ދަރަނީގެ ހަބައިކުޅަ އެއްބަޔަކީ ޗައިނާއަށް ދައްކަން ޖެހޭ ދަރަނި. އެ ލޯނުތައް ދެއްކުން ފަސްކޮށްދިނުމަށް އެދުނު ނަމަވެސް ޗައިނާއިން މިހާތަނަށް ލުއެއް ދީފައެއްނުވޭ.
7. ސްރީލަންކާގެ ރައްޔިތުން ގަބޫލުކުރަނީ މި ހާލަތަށް ޤައުމު ވެއްޓިގެން ދިޔައީ ސަރުކާރުގެ ދޯހަޅި ސިޔާސަތުތަކުގެ ސަބަބުން ކަމަށް.

May Allah save Sri Lanka! Ameen! pic.twitter.com/nDfvdGfX1r

— Intey2020 (@intey2020) April 5, 2022

• މައުލޫމާތު: އަބްދުﷲ ސަޢީދުގެ ލިއުއްވުމަކުން ނަގައިފައި