ނުދާންވާ އަމާޒަށް ދަނީ ފުރަ-ފުރައިގެން
ޒުވާންކަމުގެ ޖޯޝުން ދެލޯ މަރަ-މަރައިގެން
ދެކޮޅު ހަމަނުވާ ތިލަފަތުން ކިރަ-ކިރައިގެން
ދެކޮޅުނުޖެހި އެއުރެން ތިބޭ ދަރަ-ދަރައިގެން
ކަނޑުން މާވަހަރު ހުދު ހިތަށް އަރަ-އަރައިގެން
އުޑަށް އަތް ލެވޭތޯ އުޅޭ ކޮރަ-ކޮރައިގެން
ޝަރާބުގެ ތަށިން ގަހުވަތައް ގިރަ-ގިރައިގެން
އަރާމުގެ މަސަންދަށް ދެޔޭ އުރަ-އުރައިގެން
އަތުން ފޭހި އިލޮށިން ލޮލަށް ހަރަ-ހަރައިގެން
ކަތުންނޭ ހިނގައްޖޭ އަބުރު އިރަ-އިރައިގެން
ޙަޤީޤަތްވެ ކަންފަތި ނިޔަތް ފިރަ-ފިރައިގެން
ޢަޤީދާވެ ފުނޑުފުނޑު ދަނީ ބުރަ-ބުރައިގެން