ﷲ ނޫރުފުޅު މާތް ކާކަށް ނިވާ ލެވޭނީ؟
"ﷲ އަށް ފިލައިގެން" ކޮންތާކު ގޮސް އުޅޭނީ؟
ﷲ ހައްދަވާފައި މުޅި ކާއިނާތު އެކުގައި
ﷲ ލެއްވި ބިމުގައި ނޫނީ މިތާ އުޅޭނީ؟
ﷲ އެންމެ މަތިވެރި ޚާލިގުކަމަށް މިވާއިރު
ﷲ ލެއްވި ޚަލްގުން ބޭނުންކަމެއް ވެވޭނީ؟
ﷲ ޒާތުފުޅު މާތް ވޮޑިގެންނުވާ ތަނެއްގައި
ﷲ އަށް ޖަދަލުކޮށް ކޮންތާކު ގޮސް އުޅޭނީ؟
ﷲ ޖައްލަރައްބީ ހަތްއުޑުމަތިން ވަޙީ އައި
ﷲ މާތް ކަލާމްފުޅު ކާކަށް ދެކޮޅު ހެދޭނީ؟
ﷲ މާތްވި ޤުރްއާން މަގުދައްކަވާ މި ގާނޫނު
ﷲ މާތް ޙުކުމްފުޅު ކާކަށް ބަދަލު ވެވޭނީ؟
ﷲ ޖައްލަ ރައްބީ މިބިމާ އުޑާ ފަލަކުތައް
ﷲ ހެއްދެވީމާ ފާޑެއް އެއަށް ކިޔޭނީ؟
ﷲ ލެއްވި މަތިވެރި އިންސާނަކަށް ނަބީކަން
ﷲ ދެއްވުމުން ދެން ކާކަށް ދެކޮޅު ހެދޭނީ؟
ﷲ މާތް ނަބިއްޔާ ހަތްވަނަ އުޑަށް އުފުއްލެވި،
ﷲ މުޢްޖިޒާތެއް ނޫނޭ ބުނަން އެނގޭނީ؟
ﷲ މާތް ނަބީއަށް އިސްރާގެ ދަރަޖަ ދެއްވުން
ﷲ ދެއްވި ޝަރަފެއް ނޫނޭ ބުނަން އެނގޭނީ؟
ﷲ މާތް ޝަރީޢަތް "ދޮގަކަށް އެކަން" ހަދާފައި
ﷲ މާތް ނަބިއްޔާ "ޖޯކެއްކަމަށް ހެދޭނީ؟"
ﷲ އާ، ނަބީއަށް އީމާން ނުވެއްޖެ މީހެއް
ﷲ އަށް ކުފުރުވާ މަގަކުން ހިނގައި ދެވޭނީ
