ހެއްލުމެއް ގައި ގެއްލެމުންދާ ފެންނަނީ އަގުބޮޑު ތަނެއް
އެއްލި ދިޔަ މާޒީގެ ޞަފުހާތައް ޖަރީކުޅަ މޮޅު ތަނެއް
ހެޔޮލަފާ ޚުލްގާ ޚަޞީލަތް ނުއަގުގައި ނީލަން ކިޔައި
ތެޔޮހަމެއް ދާއިރު ބަލަން ތިޔަ ހުންނަނީ ފަހެ މަންމަނެއް
ހަސަދައިން ގާނާ ހިމުންކޮށް މަސްލަހަތު އިރު ގެއްލިދާ
އަސަރު ނުކުރާ މިހިތަކީ ހޭ ހިލަގަނޑެއް ފަދަ ތެޔޮހަނެއް
ބަދަލު ކޮށްލައިގެން ހެދުން ގޮނޑި އަދުލު އިންސާފުގެ ފުރަން
ލަދުހަޔާތް ނެތް ހެޔޮވަރީތޯ ފެންނަ ކަސްބީ އަންހެނެއް
ހޯދަމުން ދާއިރު ނަފާ ހަޑި ރޯދިމާއަށް ދުޝްމިނުން
ލޯ މަރާލައިގެން ހުރީހޭ ނުވަތަ ތިޔައީ ފަހެ ކަނެއް
އޭގެ ގެއްލުން އިންތިހާ ނަފުސާއި ގެދޮރަށް މިލިބެނީ
ނޭނގުމުންނޭ އަގުކުރަން އަތްމަތި ވެދާ ރިއްސެއް ރަނެއް
އަރުތައާ މެދު ނެތިވެ ފަރުވާ ނިއުމަތަށް ކާފަރު ވުމުން
ޑަރުޖަނުން ފުރި ކުށްތަކުން ހިތް ބަރުކުރީ އެތަކެއް މަނެއް
ވާދައަށް ކަރުމަރުހިފާ އަދު ލާރިއަށް ދީން ވިއްކުމުން
މާދަމާއިން ފަހެ މަށަށް ދާން ހައްގު ވާނީ ކޮން ތަނެއް
ފިޠުރަތުން ދެއްވެވި ދިމާޣީ ނިއުމަތާ ހައްގަށް ޓަކައި
ހިތުގެ ވޭނަށް ކެތް ނުވެވިގެން ޅެންކިޔާ މީ އާދަނެއް