ނުފާޑުގެ ޚަބަރު ނޫން އަޑެއް އަދު ނެތީހޭ
އުފާވެރިކަމެއް މިބިމުގައި ފަހެ ނެތީހޭ
ތަޅައި ވަޅިއަޅައި ކަޓަރު ނެރެ ދަމައިގެން
ފަޅައި ކުދިނުކޮށް ވާގޮތެއް އަދު ނެތީހޭ
ބައެއްފަހަރު މީހުން މަރާ އަޑު އިވޭނޭ
ހައެއްކޮށްލުމެއް މިކަމުގައި ވެސް ނެތީހޭ
އަރައި މިސްކިތަށް ހަޑި ނަޖިސްކޮށް އިހާނާތް
ކުރާ މީހުނަށް ހައްގު އަދަބެއް ނެތީހޭ
ފުރާއަނގަ ހުތުރު އިރު ޖަހާ މުޞްޙަފަށް ކުޅު
ކުރާކަށް މިނޫން ހަޑިކަމެއް ދެން ނެތީހޭ
ފުރައްސާރަ ދީނަށް ކުރާ މީހުނާމެދު
ހުރަސް އަދަބު ވާގޮތް ކިޔެން ވެސް ނެތީހޭ
ހިޔާވަހިތަކުން ޚިދުމަތަށް ޚާއްސަ ކުރެވޭ
ޚިޔާނާތްކުރުން ނޫން ކަމެއް ފަހެ ނެތީހޭ
އަތުން ބޭރު ދިދަތައް ޖަހާއިރު މިބިމުގައި
ކަތުން ތަނުގެ ފުދި ހަނު ނުތިބެ ވާން ނެތީހޭ
ޒިޔާރަތް ތަނަށް ކޮށް އުޅޭ އަންހެނުން ނަށް
ހިމާޔަތުގެ ކަށަވަރު ކަމެއް ވެސް ނެތީހޭ
މަހައި ކޯޓު ތިބި އިރު ކުރާ އިހުތިފާލުން
ޖަހައި ބޭރު ދިދތައް ހަޔާތް ވެސް ނެތީހޭ
ހިމާޔަތުގެ ނަމުގައި ތިމާ ބޮޑުވި ވަޒަނާ
ބިމާ ކަނޑު ނުދޫކޮށް ޖެހެން ފަރު ނެތީހޭ
އެނގެން ހުރި ހަގީގަތް ހިތާ އޮޅުވިދާނޭ
ދޮގެއް ބުނެލުމަށް ޖެހިލުމެއް ވެސް ނެތީހޭ
އަދަބު އޭނައަށް ދީ ގަދަރު މީނައަށްދި
އަދުލުވެރިކަމެއް ހުކުމު ގައި ވެސް ނެތީހޭ
ރިޔާސަތުގެ ނިމުމުން ހިމާޔަތުގެ ދައުރެއް
ނިޔާއިން ޖަލަށް ގޮސް ނުވަދެ ވާން ނެތީހޭ
ނަޖިސްކޮށް ތަޣައްޔަރު މިބިން ކޮށް ހަދާއިރު
ދެޖިންސުން ސަނާ ނޫން ކިޔުން ފަހެ ނެތީހޭ
އަގަލު ކެނޑި ހަޔާތް ކެނޑި ސަރަމު ގެއްލި ނެތިގޮސް
ރަނގަޅު އެއްކަމެއް ވެސް ވަޠަނުގައި ނެތީހޭ
ކިޔާ ނެތް ކޮޅުންލާކަށެއް މިފަދަ ކަންކަން
ޚިޔާލެއް ކުރާ ވެސް ކަތަކު ފަހެ ނެތީހޭ
