ހިނިތުންވެ ކާއިނާތު އައީ ދިއްލި އަލިވެލާ
ފިނިކަން އެދިން ފަލާޙުގެ ހިނދު ނޫރު އުދަވެލާ
ޝިރުކާއި ކުފުރުގައި ދިޔަ ހިތްތައް ވަމުން ކިލާ
ނިރުތައް ބިމުން ޢުލޫމުގެ މޯޅިވެ މުޅިން މިލާ
ފިރެމުން އަލުން ބަހާރު އައީ ބާޣު ފަރިވެލާ
ދިރުމެއްގެ ދިން ހިނދުންނެ ފަތިސް މީރުފެން ވިލާ
ފެންނަން ވިދާ އެ ނޫރުގެ މިއޮތީ ހިދާޔަތޭ
ގެންނެވި އެމާތްވި ދީނުގެ މަތިވެރި ބަރާއަތޭ
އެންމެންގެ ވެސް ދެދޭހުގެ އެއަކީ ސަލާމަތޭ
ދެން ބާޠިލަށް ނުވޭ ލިބުމެއް ފުރުސަތެއް ހިލާ
ފޮޅުވާލިހާ މަލުން ފަރި އަމުނާލިހާ ގަތާ
ހުޅަނގަށް ހިނގާ ވަޔާ ގުޅުވައިދޭށެ ލޮބުވަތާ
އަޅަމެންގެ މާތް ޙަބީބުގެ ވަސްމީރު ރައުޟަތާ
ޞަލަވާތްތަކާ ސަލާމުން ރަންމުތުގެ ސިލްސިލާ
