ރޯޅިތައް ޖައްވާ ފަޒާގައި ބޮސްދެނީ ހިނިތުންވެލާ
ކޯޅިތައްމާ ޒާރުގައި ފޮޅެނީ ހެމުން ފިނިފެންމަލާ
އިރު އެރީ އައު ދުވަހަކަށް މިނިވަންކަމުގެ އަލި ފަތުރަމުން
ބިރުތަކާ މޮޅިތައް ދުރަށްލައި ފިލުވަމުން ކަޅުބަނަ ވިލާ
ރީތި މޫސުމު ސާފު އުޑުމަތި ރޯޅިވައި މަޑުމޮޅިވަމުން
މީރުވަސް ގައުމިއްޔަތުގެ ފަތުރައިދެނީ ތާޒާވެލާ
ސުލްހަޔާ އަމަނާ ހިމޭންކަން ހާމަކޮށް އުފަލުން ހެމުން
ބުލްބުލާ މުނިޔާ ގުރާ ލަވަތައް އެ ކިޔަނީ އުދުހިލާ
ރަތް ހުދާ ފެހި ދިދަތަކުން ފިނިފިނި ހިޔާ ފަތުރައި ދެމުން
ގަތްބިރާ ޖެހިލުންވުމޭ ނެތިކޮށްލަނީ މިނިވަންވެލާ
އަތްތަކުން މިނިވަންކަމުގެ ގުލްހާރުތައް އަމުނައިލަމުން
އަތްއަތްތާ އަދި ހިތްހިތާ ގުޅުވައިދެނީ އެއްބައިވެލާ
އުސްގަނޑާ އަޑިގަނޑުގަނޑާ ދަތުގަނޑުގަނޑާ މެދު ވިސްނަމުން
ހުސް އުފާވެރިކަން ބިމުން ވަޠަނުގެ ދިރުވަނީ އެކުވެލާ
ދިޔަނުދޭނަން އެންމެ ކުޑަކުޑަ ވެލިފުކެއް ނަމަވެސް ބިމުން
ކިޔުމުގައި މި ނިދާ- ތިބީ ރައްޔަތް ދިވެހި ސަފު އެތުރިލާ
ގަރުނުތައް މާޒީވި މިނިވަން ޖޯޝު ރޫޙާ ދިރުވަމުން
ވަރުވަރުގެ ދަސްތާތަކުން ވެދުމޭ މި ކުރަނީ ފަރިވެލާ
ދިދަތަކާ ޤައުމީ ނިޝާން ޝުކުރާއެކީގައި ބޯލަނބައި
ވިދުވަނީ ޤައުމިއްޔަ މިނިވަން ރާހަތޭ ހަމަ ވިހުރިލާ
ބަޠަލުނަށް ޤައުމީ ވި ޤުރުބާން ވީ ފިދާ ޤައުމަށް ޓަކައި
އަދަބުވެރި ތައުޒީމުގައި ކުރުނީސް މި ކުރަނީ ތިރިވެ
