މާލެއިން އަންހެނަކު ގެއްލިގެން ހޯދާތާ ދެ ދުވަސް ވީއިރުވެސް އޭނާ ނުފެންނަ ކަމަށް ފުލުހުން މިއަދު ބުނެފިއެވެ.

މ. ގޯބިލިގަސްދޮށުގޭ އާމިނަތު ހުމައިނާ ޒަކަރިއްޔާ، 21، މި މަހުގެ 10 ވަނަ ދުވަހުގެ މެންދުރު 12:15 އިން ފެށިގެން ވީނުވީއެއް ނޭނގި ގެއްލިގެން އާއިލާގެ ފަރާތުން ވަނީ ފުލުހުންނަށް ރިޕޯޓްކޮށްފައެވެ. އެއާއެކު ފުލުހުން ވަނީ އޭނާގެ ފޮޓޯ އާއި ވަނަވަރު އާންމުކޮށް، އާންމުންގެ އެހީއަށް އެދިފައެވެ. ނަމަވެސް އޭނާ ހޯދުމުގެ މަސައްކަތް ކުރަމުންދާއިރު މިހާތަނަށް ކުރެވުނު މަސައްކަތުން އޭނާ ފެނިފައިނުވާ ކަމަށް ފުލުހުން ބުނެއެވެ.

ހުމައިނާ އެންމެ ފަހުން ފެނުނުއިރު ލައިގެން ހުރީ ހުދުކުލައިގެ ހެދުމަކާއި ކަޅުކުލައިގެ ޖިންސެއް ކަމަށް ފުލުހުން ބުނެއެެވެ.

#Appeal: 21-year-old Aminath Humaina Zakariyya #missing since 10 May 2021, 1215hrs, wearing a white top with a black jeans. If found please contact 3322111 or 9631696.

Details: https://t.co/TTaZ5MwlrQ pic.twitter.com/KAnxlu4hpJ

— Maldives Police (@PoliceMv) May 12, 2021

"ވީމާ އާމިނަތު ހުމައިނާ ޒަކަރިއްޔާއާ ބެހޭ އެއްވެސް މައުލޫމާތެއް ލިބިފައިވާ ފަރާތެއް ވާނަމަ ލަސްނުކުރައްވައި އެ މައުލޫމާތެއް ފުލުހުންގެ ހޮޓްލައިން ނަންބަރު 3322111 އަށް ނުވަތަ ޖެނެރަލް އިންވެސްޓިގޭޝަން ޑިޕާޓްމަންޓުގެ ނަންބަރު 9631696 އަށް ގުޅުއްވައި ހިއްސާކޮށްދެއްވުން އެދެމެވެ." ފުލުހުންގެ ވެބްސައިޓުގައިވެއެވެ.