ވަގުތު ގާތު ބުނީމެ އަހަރެން އޮހޮރަމުން ހިތި ކަރުނުތައް
ވަޤުފުކޮށްދޭށޭ މަށަށް ނިމުމެއް ނުވާ ގިނަ ޤަރުނުތައް
ހިތް މަގޭ އެ އަމާޒަކަށް ދީލައިލި ލައިލާ ކުރިމަތީ
އިންތިހާ ޖަޒުބާތުގައި ދެ ނަޒަރު ގުޅުނު ފިޔަވަޅުމަތީ
ހިތްހިތާ ގުޅެމުން އެ ދާ ސިގްނަލްތަކުގެ ޝައުޤުގެމަތީ
ވަޤުފުކޮށްދޭށޭ މަށަށް ނިމުމެއް ނުވާ ގިނަ ޤަރުނުތައް
އެކުއެކީ މި ދެރޫޙު ޢިޝްޤުގެ ގުލްޝަނަށް ގޮސް ވަދެލިރޭ
އެކިމަލާ ބުލްބުލް ނަށައި ފޮނި ފޮނި ސުވާސްތީ އިއްވިރޭ
ހެކިވަމުން ތަރިހަނދު އެ މަންޒަރުތައް ބަލައި ހިނިތުންވިރޭ
ވަޤުފުކޮށްދޭށޭ މަށަށް ނިމުމެއް ނުވާ ގިނަ ޤަރުނުތައް
ދާއިމީ ފުންގުޅުމަކަށް ވިންދާއި ވިންދު ގުޅާލި ހިނދު
ސާޙިލަށް ލޯބީގެ ނާ ގޮސް ގާތްވެ މަންޒިލްކޮށްލި ހިނދު
ރާޙަތާ ޙުރުމަތުގެ ނިޔަނެތި އާ ޙަޔާތެއް ފެށުނު ހިނދު
ވަޤުފުކޮށްދޭށޭ މަށަށް ނިމުމެއް ނުވާ ގިނަ ޤަރުނުތައް
ވަގުތު؛ ރަނގަޅަށް އަޑު އަހައިފިމޭ ތިބާގެ ޝުޢޫރުތައް
ޢަޤުލު ކުރިޔަށް ނެރެ އެހުން އެދެމޭ އަނާގެ ޖަވާބުތައް
މި ގޮތުގައި އެއްބަސްވެވޭ ނަމަ އަދި ބުނާށެ އެ ކަލިމަތައް
ވަޤުފުކޮށްދޭށޭ މަށަށް ނިމުމެއް ނުވާ ގިނަ ޤަރުނުތައް
އެންމެ ހިނދުކޮޅަކީ ތިބާޔަށް ދޫކުރާ – ވަގުތާ ޒަމާން
އަންނަ ބޮޑު ކަންފަތިވުމެއް ނޫންހެއްޔެ ޖިސްމަށް ތިޔަ އޮމާން
ތިން ޤަރުނު ދިން ނަމަ ހިތަށް ސިފަވޭހެ ވާނޭ ގޮތް… ބުނާން
ވަޤުފުކޮށްދޭށޭ މަށަށް ނިމުމެއް ނުވާ ގިނަ ޤަރުނުތައް
ލޯގަނޑާ ގޮސް ކޮށްބަލާށެ މަ ހުށަހަޅާ މި ސުވާލުތައް
ލޯމަރަން ގައިމޭ ޖެހޭނެ އިވިއްޖެ ހިނދަކު ޖަވާބުތައް
ގޯހެކޭ ވިސްނޭނެ އޭރުން ތިޔަ ކުރާ ފަރިޔާދުތައް
ވަޤުފުކޮށްދޭށޭ މަށަށް ނިމުމެއް ނުވާ ގިނަ ޤަރުނުތައް
އެންމެ ނުރައެއް ފެނި ވަރަށް ސިއްރުން އެ ލުއްސައިނުލަމުހޭ؟
އެންމެ ރުލަކާ ހެދި ކިހައި ހޭނުންތަކެއް ހޭނީމު ހޭ؟
ކޮންމެ ވަގުތަކު މި ފަދަ އާދޭހައި އެކީ ބަލަ ބުނަމު ހޭ؟
ވަޤުފުކޮށްދޭށޭ މަށަށް ނިމުމެއް ނުވާ ގިނަ ޤަރުނުތައް
ކޮންކަހަލަ ފިކުރެއް ޟަމީރެއް ބުއްދިޔެއްހޭ އޮންނަނީ؟
ކޮންމެ އެދުމެއް ކުރިމަތީ މަންމަންވެ ބީރުވެ ކަނުވަނީ؟
ބިން މަތީ އުދުހޭ ބޮޑެތި މަޖުނޫނުނޭ ގޮވަމުން ދަނީ
ވަޤުފުކޮށްދޭށޭ މަށަށް ނިމުމެއް ނުވާ ގިނަ ޤަރުނުތައް