މާލޭ ރައްޔިތުންނަށް ދިމާވެފައިވާ މައްސަލަތައް ހައްލުކޮށް ނަތީޖާ ނެރެދެވޭނީ މި ސަރުކާރުގެ "ޕަޕެޓް" އަކަށް ނުވާނޭ ރައްޔިތުންގެ ޚާދިމަކަށް ކަމުގައި މާލޭ މޭޔަރު ކަމަށް ވާދަކުރައްވާ ކުރީގެ ހައުސިން މިނިސްޓަރު ވިދާޅުވެއްޖެއެވެ.

އަންނަ އަހަރުގެ މާޗު މަހު އޮންނަ ލޯކަލް ކައުންސިލްގެ އިންތިހާބުގައި އިދިކޮޅު ޕީ.ޕީ.އެމްގެ ޓިކެޓުގައި މާލޭގެ މޭޔަރު ކަމަށް ވާދަކުރައްވާ ޑރ. މުހައްމަދު މުއިއްޒު މިރޭ ކުރެއްވި ޓްވީޓެއްގައި ވިދާޅުވީ އެ މީހަކު ވާންޖެހޭނީ ސަރުކާރުގެ ޕްރެޝަރަށް ދީލާނުލާނޭ، ސަރުކާރާ "ޑީލް"ތައް ނުހަދައި، ރައްޔިތުންގެ ފަޅީގައި ހުންނާނޭ، ރައްޔިތުންގެ ޚާދިމަކަށް ކަމަށެވެ. "ސަރުކާރުގެ ޚާދިމަކަށް" ނޫން!" ކަމަށެވެ.

Male rayyithunnah dhimaavefaivaa massala thah hallukoh natheeja neredheveynee,mi sarukaaruge 'puppet' akah nuvaaney,sarukaaruge pressure ah dheelaanulaaney,sarukaaraa 'deal' thah nuhadhaa, rayyithunge falheegai hunnaaney, rayyithunge khaadhimakah. 'Sarukaaruge khaadhimakah' noon!

— Dr Mohamed Muizzu (@MMuizzu) November 21, 2020

"މާލޭ ރައްޔިތުންނަށް ދިމާވެފައިވާ މައްސަލަތައް ހައްލުކޮށް ނަތީޖާ ނެރެދެވޭނީ މި ސަރުކާރުގެ "ޕަޕެޓް" އަކަށް ނުވާނޭ، ސަރުކާރުގެ ޕްރެޝަރަށް ދީލާނުލާނޭ، ސަރުކާރާ "ޑީލް"ތައް ނުހަދައި، ރައްޔިތުންގެ ފަޅީގައި ހުންނާނޭ، ރައްޔިތުންގެ ޚާދިމަކަށް. "ސަރުކާރުގެ ޚާދިމަކަށް" ނޫން!" ޑރ. މުއިއްޒުގެ ޓްވީޓުގައި ވިދާޅުވިއެވެ.

ރައީސް އަބްދުﷲ ޔާމީން އަބްދުލްގައްޔޫމުގެ ސަރުކާރުގައި މާލެ އާއި އަތޮޅުތެރޭގައި ތަރައްގީގެ ގިނަގުނަ ޕްރޮޖެކްޓްތަކެއް ހިންގުމުގެ އެންމެ އިސް ދައުރެއް އަދާކުރެއްވި ޑރ. މުއިއްޒަކީ ލޯކަލް ކައުންސިލްގެ އިންތިހާބުގައި މާލޭ މޭޔަރުކަމުގެ ގޮނޑިއަށް ވާދަކުރައްވާ އެންމެ ވާދަވެރި އެއް ކެންޑިޑޭޓެވެ.

ޑރ. މުއިއްޒުގެ އެހެން ޓްވީޓެއްގައި ވިދާޅުވެފައި ވަނީ "މާލޭ މޭޔަރު ކަމަށް ހޮވޭ މީހެއްގެ އެންމެ ބޮޑު ޒިންމާއަކަށް ވާންޖެހޭނީ މާލޭ ރައްޔިތުންނަށް ދާއިމީ ބޯހިޔާވަހިކަން ހޯދައިދިނުމަށް އެންމެ އިސްކަންދީ މަސައްކަތްކުރުން" ކަމަށެވެ.

Male Mayor kamah hovey meehegge emme bodu zimmaa akah vaanjeheynee Male rayyithunnah dhaaimee boahiyaavahikan hoadhaidhinumah emme iskandhee masakkai kurun. Gulhifalhaai Fushidhiggaru falhakee Male rayyithunnah goathi adhi flat dheyn khaassa manzilakah hedhumah masakkai kurun.

— Dr Mohamed Muizzu (@MMuizzu) November 20, 2020

"މާލޭ މޭޔަރު ކަމަށް ހޮވޭ މީހެއްގެ އެންމެ ބޮޑު ޒިންމާއަކަށް ވާންޖެހޭނީ މާލޭ ރައްޔިތުންނަށް ދާއިމީ ބޯހިޔާވަހިކަން ހޯދައިދިނުމަށް އެންމެ އިސްކަންދީ މަސައްކަތްކުރުން. ގުޅީފަޅާއި ފުށިދިއްގަރު ފަޅަކީ މާލޭ ރައްޔިތުންނަށް ގޯތި އަދި ފްލެޓް ދޭން ޚާއްސަ މަންޒިލަކަށް ހެދުމަށް މަސައްކަތްކުރުން،" ޑރ. މުއިއްޒުގެ ޓްވީޓުގައި ވިދާޅުވެފައިވެއެވެ.