ރާގު: އެދޭނަމަ ލޯބިވާންވީވެސް….
ނުލިބި ތިޔަ ލޯބި ހިނދުކޮޅަކަށް ވިޔަސް ދެން ކެތް ނެތޭވާކަށް
ނުލިބި ތިޔަ މީރުވަސް ތުނި ހަށިކޮޅުން އަމުދުން ނެތޭ ވާކަށް
ހިނގާލާ ފަރި ތި ރީތި ހިނގުން ހިތަށް ކުރުވާ އަސަރު ތަކަކުން
ނިގާބުން ފޮރުވިގެން ވިޔަކަސް ހިތަށްވޭ މީރު ރާޙަތަކަށް
ހިތާކުޅެލައިފި ހިނިތުންވުން ތި މަސްތީ ޖާދުވީ އަސަރުން
ހިތާ ރޫޙަށް ލިބޭ އުފަލެއް ބަޔާން ދުލަކުން ނެތޭ ވާކަށް
ކިޔާތީ އަޑުއިވޭ މަޝްހޫރު ދޮންހިޔަލަގެ އެ ރީތިކަމާ
ކިޔާނަމައީ އަޅައި ދޮންހިޔަލަޔަށް ވަނަ ޙައްްޤު ނެތް ވާކަށް
މުޝާވިރު ކޮށްލުމުން އެނގިދާ ޙަޤީޤީ ސިއްރު ރޫޙާނީ
ޚުޝާމަދެކޭ ހިތައިފާނޭކަމަށް ނެތް ފާޅު ކުރެވޭކަށް
ފިދާވެސް ވާށަމިހުރީ ފަހެ، ލިބުން އެދިގެން ތި މާތް ލޯތްބަށް
ރިދާ ލޯބީގެ ލައިދިނުމަށް ނުކޮށް އާދޭސް ނެތޭ ވާކަށް
