ކޮވިޑް19 ބާރު ސްޕީޑުގައި ފެެތުރުން ކޮންޓްރޯލް ކުރުމަށްޓަކައި ކަމާ ބެހޭ ފަރާތްތަކުގެ އިރުޝާދުތަކަށް ރައްޔިތުން އަމަލް ކުރަމުން ގެންދިއުމަށާއި ދެވަނަ ލޮކްޑައުންއަކަށް ދިއުމަކީީ ކުރަން ރަނގަޅު ކަމެއް ނޫން ކަމަށް ރައީސުލްޖުމްހޫރިއްޔާ މިއަދު ވިދާޅުވެއްޖެ އެވެ.

ރައީސް އިބްރާޙިމް މުހައްމަދު ސޯލިހު ކުރެއްވި ޓުވީޓެއްގައި ވިދާޅުވެފައި ވަނީ ކޮވިޑް19 ޖެހޭ މީހުންގެ އަަދަދު އިތުރުވަމުންދާ ސްޕީޑް ކޮންޓްރޯލް ކުރުމަށް އެންމެންގެ އެއްބާރުލުން ބޭނުންވާ ކަމަށެވެ.

"ބަލިފެތުރޭ މިންވަރު ދަނީ އިތުރުވަމުން. ބޭރުތެރޭގައި އުޅުއްވާއިރު މާސްކް އަޅުއްވާ. އެޗްޕީއޭގެ އެންގުންތަކަށް އަމަލް ކުރައްވާ. ހުރިހާ ބޭފުޅުންގެ އެއްބާރުލެއްވުން ވަރަށް މުހިންމު. އިތުރު ފުރަބަންދަކަށް ދިއުމަކީ ކުރަން ރަގަޅު ކަމެއްނޫން،" ރައީީސްް ސޯލިހު ޓުވީޓްގައި ވިދާޅުވެފައިވެ އެވެ.

ކޯވިޑް-19 ޖެހޭ މީހުންގެ ޢަދަދުދަނީ އިތުރުވަމުން. ބަލިފެތުރުން ކޮންޓްރޯލް ކުރުމަށްޓަކައި ބޭރުގައި އުޅުއްވާއިރު މާސްކް އަޅުއްވާ. @HPA_MV ގެ އެންގުންތަކަށް ޢަމަލުކުރައްވާ. ހުރިހާ ބޭފުޅުންގެ އެއްބާރުލެއްވުން ވަރަށް މުހިންމު. އިތުރު ފުރަބަންދަކަށް ދިއުމަކީ ކުރަން ރަގަޅު ކަމެއްނޫން.

— Ibrahim Mohamed Solih (@ibusolih) August 3, 2020

ކޮވިޑް ބަލި ޖެހޭ މިންވަރު މި އޮގަސްޓް މަހުގެ ތެރޭގައި އިތުރުވެ، އިއްޔެ އެކަނިވެސް އެ ބައްޔަށް 215 މީހުން ވަނި ޕޮޒިޓިވްވެފަ އެވެ. ރާއްޖޭގައި ކޮވިޑް19 ފެތުރެމުންދާ ސްޕީޑަށް ބަލާފައި މި އޮގަސްޓް މަހު ދުވާލެއްގެ މައްޗަށް 170 މީހަކަށް ބަލި ޖެހޭނެ ކަމަށް ނޭޝަނަލް އެމެންޖެންސީ އޮޕަރޭޝަން ސެންޓަރުން ވަނީ އަންދާޒާކޮށްފައެވެ.

ރާއްޖޭގައި މިބައްޔަށް ޕޮޒިޓިވްވި މީހުންގެ އަދަދު 4164 އަށް އަރާފައިވާއިރު އެކްޓިވް ކޭސްތަކުގެ ގޮތުގައި 1489 އެބައުޅެ އެވެ.

މިބަލި ޖެހިގެން މިހާތަނަށް 2643 މީހުން ރަނގަޅު ވެފައިވާއިރު 84 މީހަކަށް ހޮސްޕިޓަަލްތަކުގައި ގެންދަަނީ ފަރުވާދެމުންނެވެ. އޮގަސްޓް މަހުގެ ފުރަަތަމަ ދުވަހު މި ބައްޔަށް 153 މީހުން ވަނީ ޕޮޒިޓިވްވެފަ އެވެ. މިބަލި ޖެހިގެން މިހާތަނަށް 18 މީހުން ވަނީ މަރުވެފަ އެވެ.