ގަތަރު ސަރުކާރާއެކު ސިޔާސީ ގުޅުން އަލުން ގާއިމުކުރުން ފާހަގަކުރުމުގެ ގޮތުން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އަންނަ ހަފުތާގައި ދޯހާއަށް ޒިޔާރަތް ކުރެއްވުމަށް ނިންމަވައިފިއެވެ.
Correction:
President will travel onto Bangladesh on the 17th https://t.co/uQgsfQ3vJ2
— Mabrook Azeez (@MvSpokesperson) March 10, 2021
ގަތަރާއެކު އޮތް ސިޔާސީ ގުޅުން ރާއްޖެއިން ކަނޑާލީ، މެދުއިރުމަތީގެ މަޝްރަހަށް އައި ބަދަލެއްގައި، ސައުދީ އަރަބިޔާއިންނާއި ސައުދީގެ އެކުވެރި ބައެއް ގައުމުތަކުން ގަތަރާއެކު އޮތް ސިޔާސީ ގުޅުން ކަނޑާލި އޮއިވަރުގައި، 2017 ގައެވެ. ރައީސް ޔާމީނުގެ ސަރުކާރުން އޭރު ބުނީ ސައުދީއާއެކު އޮންނަ ސިޔާސީ ގުޅުން ކަނޑާލީ ޓެރަރިޒަމާއި ހައްދުފަހަނަޅައިދިއުމާ ދެކޮޅަށް ރާއްޖެއިން ގެންގުޅޭ ސިޔާސަތުގެ ދަށުން ކަމަށެވެ.
ރައީސް ސޯލިހުގެ ސަރުކާރު 2018 ގައި ވެރިކަމާ ހަވާލުވެ، ގަތަރާއެކު އަލުން ސިޔާސީ ގުޅުން ގާއިމުކުރަން ނިންމިކަން އިއުލާންކުރީ މި އަހަރުގެ ޖަނަވަރީ 6 ގައެވެ. ނަމަވެސް، ސިޔާސީ ގުޅުން އަލުން ގާއިމުކުރުމުގެ އެއްބަސްވުމުގައި ދެ ސަރުކާރުގެ ދެމެދުގައި އަދި ސޮއެއްނުކުރެއެވެ.
ސައުދީއާއި އެހެނިހެން ގައުމުތައް ދާދި ފަހުންް ވަނީ ގަތަރާއެކު ސިޔާސީ ގުޅުން އަލުން ގާއިމުކޮށްފައެވެ.
ރައީސް އޮފީހުގެ ތަރުޖަމާނު މުހައްމަދު މަބްރޫކު އަބްދުލްއަޒީޒު މިއަދު ކުރެއްވި ޓްވީޓެއްގައި، ރައީސް ސޯލިހު އަންނަ އާދީއްތަ ދުވަހު ދޯހާއަށް ވަޑައިގަންނަވާން ނިންމެވިކަން އިއުލާންކުރެއްވި ނަމަވެސް، ގަތަރާއެކު ރާއްޖެއިން އަލުން ސިޔާސީ ގުޅުން ގާއިމުކުރުމާ ބެހޭ ތަފްސީލެއް ނުދެއްވައެވެ. އަދި އޭގެ ތަފްސީލެއް ފޮރިން މިނިސްޓްރީއަކުންވެސް ނުލިބުނެވެ.
Maldives welcomes the positive developments following the annual summit of Gulf Cooperation Council. I have had fruitful discussions with the #Qatari authorities and am pleased to announce Government of #Maldives decision to reinstate full diplomatic relations with Qatar.
— Abdulla Shahid (@abdulla_shahid) January 6, 2021
މަބްރޫކު އިތުރަށް ވިދާޅުވީ ދޯހާގެ ދަތުރުފުޅަށްފަހު، މި މަހުގެ 17 ގައި ރައީސް ސޯލިހު ބަންގްލަދޭޝަށް ވެސް ރަސްމީ ދަތުރުފުޅެއް ކުރައްވާނެ ކަމަށެވެ. ޑާކާ އަށް ކުރައްވާ އެ ދަތުރުފުޅަކީ ބަންގްލަދޭޝްގެ ބާނީ ޝެއިޚް މުޖީބުއްރަހުމާނުގެ 100 ވަނަ އުފަންދުވަހުގެ ރަސްމީޔާތުތަކުގައި ބައިވެރިވެވަޑައިގަތުމަށް ކުރައްވާ ދަތުރުފުޅެކެވެ.
advertisment
