ބީހިލާ ވައިރޯޅިއާ އެކު ބިން މިތާ މި ނަށާލަނީ
ރީތި ފަރި ހަރަކާތުގައި އުޑު ވެސް އެތާ އެ ނަށާލަނީ
ހީނލަމުން ފައިހަމަ މަށާކޮށް ކާއިނާތު ނަށާލަނީ
ޝޯޚުގައި ނުފޮޅޭ މަލުގެ ފަރި މޫނުބުރުގާ އުފުލަނީ
ފޯދިފައިވާ މަލުގެ މަސްތީ ހިތް އަސަރުގައި ތެޅިލަނީ
ލޯބިވެތި މޫސުންބަހާރުގެ ކުޅިސަމާ އެ ނަށާލަނީ
ހީނލަމުން ފައިހަމަ މަށާކޮށް ކާއިނާތު ނަށާލަނީ
ހުރިތަނުން ލުހިގެން އައިސް ފަރުބަދަތަކޭ ބޯ ތިރިކުރީ
ކުރިމަތީ ހުރިހާ ވިލާތައް ނަޒަރަކުން ކުރުނީސް ކުރީ
ފުރިއުތުރިދާ ހިތުގެ ވާހަކަތައް ދެނޭ އެ ނަށާލަނީ
ހީނލަމުން ފައިހަމަ މަށާކޮށް ކާއިނާތު ނަށާލަނީ
ފޮރުވަނީއޭ މާތަކުގެ ނަލަ މޫނުތައް މޫނުގެތެރޭ
ހުރަހަކާ ނުވެއޭ މިތާ ފަރުދާތަކެއް މަހެފިލް ތެރޭ
ފުރުސަތުން ހެލިފެލި ވެލައިފި ޒުވާންކަމޭ އެ ނަށާލަނީ
ހީނލަމުން ފައިހަމަ މަށާކޮށް ކާއިނާތު ނަށާލަނީ
ހީވިޔޭ ލޯބީގެ ނާޒުކު އުމުރު ގާތަށް ޖެހިލިހެން
ބީހެމުން ދުނިޔޭގެ ހުރިހާ ރީތިކަން ފިރުމާލިހެން
ޒީނަތުން ލޯބީގެ ދާވަނި ފަތުރަމުން އެ ނަށާލަނީ
ހީނލަމުން ފައިހަމަ މަށާކޮށް ކާއިނާތު ނަށާލަނީ
