ދެމަފިރިންގެ ދޭތެރޭގައި އޮންނަ ގުޅުން ދެމެހެއްޓުމަކީ ބައެއް ފަހަރަށް ގޮންޖެހުމެކެވެ. އަނބީމާ ދޫކޮށްލާފައި އެހެން އަންހެނެއް ގާތަށް "ބަދަލު"ވުމަކީ ޖަޒުބާތީ ގޮތުން ވަރަށް ބޮޑު ކަމެކެވެ. މި ފަދަ ބޮޑު ނިންމުމެއް ބައެއް ފިރިން ނިންމައި، އެހެން އަންހެނަކާއެކު ދިރިއުޅުމެއް ފަށަން ނިންމާ 10 ސަބަބަކަށް ބަލައިލާނަމެވެ.

ފުރަތަމަ ކަމަކީ އަނބިމީހާގެ ކިބައިން ފިރިމީހާ އެދޭ ޖަޒުބާތީ ހިތްހަމަޖެހުން ނުލިބުމެވެ. މި ކަމުން ލިބޭ ދެރައިގެ ފޫބައްދަން ފިރިމީހާ އެހެން އަންހެނެއް ޚިޔާރު ކުރުމަކީ ވަރަށް ގާތުގައިވާ ކަމެކެވެ.

ދެވަނަ ސަބަބަކީ ދެމަފިރިންގެ ދޭތެރޭގައި އޮންނަން ޖެހޭ މުއާމަލާތް ކުރުމުގެ ހަރުދަނާކަން ގެއްލުމެވެ. މިހެންވުމުން ދެމަފިރިންގެ ދެމެދުގައި އޮންނަ ގުޅުމުގައި ހުންނަ ސިފަތަކާއި އަމަލުތަކުގެ މާނަތައް އެކަކު އަނެކަކަށް އޮޅުންއަރާ ގޮތް ވެއެވެ. އަދި މި ކަމުގެ ސަބަބުން ޖަޒުބާތީ ދުރުކަމެއް ދެ މީހުންގެ ދެމެދުގައި އުފެދެއެވެ. މިހެންވުމުން ހާމަކަން ބޮޑު ގޮތެއްގައި ދެ މީހުންގެ ދެމެދުގައި މުއާމަލާތް ކުރުން ހުއްޓުމަކަށް އާދެއެވެ. އަދި ނަތީޖާއެއްގެ ގޮތުން މި ގޮތަށް ސީދާ މުއާމަލާތް ކުރެވޭނެ، އަދި ދެ މީހުން ދެ މީހުންނަށް ދަސްވާނެ ފުރުސަތު ކުޑަވުމުން، ހިލޭ އަންހެނަކާ ގާތްވުމަށް މަގުފަހިވެގެންދެއެވެ.

ތިންވަނަ ސަބަބަކީ ދެމަފިރިން މުހިންމުކަން ދޭ ކަންތައްތަކާއި ގަބޫލުކުރާ ގަބޫލުކުރުންތައް ބަދަލުވާން ފެށުމެވެ. މި ފަދަ ދޭދޭ ގުޅުންތައް ދެމަފިރިން އެކުއެކީގައި ބަލައިނުގަނެ، ދިރިއުޅުން ކުރިއަށްދާ ނަމަ، ދެ މީހުންގެ ޝަޚުސު މުޅިން ވަކި އެއްޗަކަށް ބަދަލުވެ، ދެން އުފެދޭ ހުސްކަން ފުރާލަން ފިރިމީހާ އަށް ދެވެނީ، އެހާ ހިސާބަށް ނަފުސާނީ ގޮތުން ވެފައިވާ ބަދަލުތައް ބަލައިގަންނަ އަންހެނެއް ގާތަށެވެ.

ހަތަރުވަނަ ކަމަކީ ޖިސްމާނީ އަދި ނަފުސާނީ ގޮތުން އޮންނަ ގުޅުން ހީނަރު ވެ، ދެމަރިފިރިންގެ ދެމެދުގައި އޮންނަ ގުޅުން ކެނޑި، އެ ކަން ފޫބައްދައިދޭ އަންހެނެއް ގާތަށް ފިރިމީހާ ދިއުމެވެ.

ފަސްވަނަ ކަމަކީ ބޭރު ތެރެއިން އަންނަ ޕްރެޝަރުތަކެވެ. މަސައްކަތުގެ މާހައުލާއި، މާލީ ތަނަވަސްކަން ބަނަވުމާއި، އާއިލީ މައްސަލަތައް ޖެހެން ފަށައިފި ނަމަ، ކައިވެނީގެ ގުޅުމަށް ބުރޫއަރަން ފަށައެވެ. މިހެންވުމުން، މި ފަދަ ސްޓްރެސްތަކަށް ފަރުވާއެއް ދޭ، އަދި ހިތްހަމަޖެހުން ގެނެސްދޭ ފަދަ އަންހެނަކާ ފިރިމީހާ ގާތްވާން ފަށާނެއެވެ.

ހަވަނަ ކަމަކީ ކައިވެނީގެ ތެރޭގައި ހުންނަ މައްސަލަތައް ހައްލުކުރަން ނޫޅުމެވެ. އެއީ މުއާމަލާތް ކުރުމުގައި ހުރި މައްސަލަތަކާއި އިތުބާރު ކުރުމުގެ ސިފަ ގެއްލުމާއި ނުގުޅޭ ޖޯޑަކަށް ދެމަފިރިން ބަދަލުވެގެން ދިއުމާއި މި ފަދަ މައްސަލަތަކުގެ ސަބަބުން ދެމަފިރިންނަށް އެ ލިބޭ ހިތްހަމަނުޖެހުމެވެ. އާ ގުޅުމެއް ހޯދުމަށް ފިރިމީހާގެ ޝައުގުވެރިކަން ފެށެނީ މި ފަދަ ދިގުދެމިގެން ގޮސްފައިވާ ހިތްހަމަނުޖެހުންތައް ނައްތާލަދޭނެ އަންހެނަކު ހުރެދާނެ ކަމަށް ގަބޫލު ކުރެވިގެންނެވެ.

ހަތްވަނަ ކަމަކީ ފިރިމީހާ "މެދު އުމުރު"ގައި ނުވަތަ "މިޑް ލައިފް ކްރައިސިސް" އަށް ވާސިލުވުމެވެ. މާނައަކީ އުމުރު ދެބައިވުމުން، އަމިއްލަ ނަފުސާ މެދު އަލުން ބަލާލައި، އެހާތަނަށް ހަޔާތުގައި ނިންމިފައި ހުރި ނިންމުންތަކަކީ ރަނގަޅު ނިންމުންތަކެއްތޯ އަމިއްލަ އަށް ދިރާސާ ކުރުމެވެ. މިހެންވުމުން އާ ތަޖުރިބާތައް ކުރުމަށާއި އެހެން މީހުންނާއެކު އާ ގުޅުންތައް ތަހުލީލުކޮށްލަން ހިތް އެދެން ފަށައެވެ.

އަށްވަނަ ކަމަކީ ހަވާ ނަފުސަށް ލެނބިގެންދިއުމާއި އެ ކަމުގެ ސަބަބުން އަނބިމީހާ އަށް ބޭވަފާތެރި ވުމެވެ. މިއީ ދެމެފިރިންގެ ގުޅުން ހުއްޓުމަކަށް ގެނުވާނެ ކަމެކެވެ. މި ގޮތަށް ކަންތައް ދިމާވެއްޖެ ނަމަ، އަނބިމީހާ ދޫކޮށްލާފައި އެހެން އަންހެނަކާއެކީ ގުޅުން ބޭއްވުމަށް ފިރިމީހާގެ ޝައުގުވެރިކަން އުފެދޭނެއެވެ.

ނުވަވަނަ ކަމަކީ އަނބިމީހާ އަށް ފިރިމީހާ ކޮށްދޭ ކަންތަކާއި އަނބިމީހާއާ މެދު ބަހައްޓާ ގާތް ގުޅުން އަނބިމީހާ ބަލައިނުގަތުމެވެ. އެއިރުން ފިރިމީހާ އަށް ހީވާން ފަށާނީ އޭނާ ކޮށްދޭ ކަންތައްތައް، އަނބިމީހާގެ ކުރިމަތީގައި އަގެއް ނެތް ކަމަށެވެ. މިހެން ދިމާވުމުން ފިރިމީހާގެ އަމަލުތައް ބަލައިގަންނަ އަންހެނަކާ ދިމާއަށް ދިއުމަށް ފިރިމީހާ އަށް އެދެވެން ފަށާނެއެވެ.

ދިހަވަނަ ކަމަކީ ކޮންމެ އިންސާނެއްގެ ވެސް ފިތުރަތުގައި ހުންނަ ކަމެކެވެ. އެއީ ކަންތައްތައް "ބަދަލު"ކޮށްލުމަށާއި "އުފަލުން ފޮޅޭނެ" ކަންތައްތައް ތަޖުރިބާ ކުރުމެވެ. މީގެ ތެރޭގައި "އާ ކަންތައްތައް" ތަޖުރިބާ ކޮށްލުން ވެސް ހިމެނެއެވެ. މިހެންވުމުގެ ނަތީޖާއަކީ އާ ގުޅުންތައް ގާއިމު ކުރުމަށް ޝައުގުވެރިވުމެވެ. އަބަދު އެއް ގޮތަކަށް ކޮންމެ ދުވަހެއްގެ އެޖެންޑާ ދާ ނަމަ، ފިރިމީހާ އަށް އެދެން ފަށާނީ "އާ ތާޒާ ފެށުމެއް" ހަޔާތުގައި ލިބިގަތުމަށެވެ.

މި ދިހަ ސަބަބަކީ، އަނބިމީހާ ދޫކޮށްލުން ފަދަ ދަތި އުނދަގޫ ނިންމުމެއް ނިންމަން ފިރިމީހާއަށް ކުރިމަތިވެދާނެ ސަބަބުތަކެކެވެ. މިހެންވެ، ފިރިމީހާއާމެދު އަބަދުވެސް ހަމްދަރުދީގެ ނަޒަރަކުން ބަލައި، ކޮންމެ އިންސާނެއްގެ ވެސް އެދޭ އެދުންތަކެއް ހުންނާނެކަން ދެނެގަނެ، އަދި އެއް ފިރިހެނަކު އަނެއް ފިރިހެނަކާ ވެސް ތަފާތު ވެދާނެ ކަމަށް ބަލައި، ފިރިމީހާގެ ޒާތީ ދިރިއުޅުމުގެ ތަޖުރިބާތަކާއި ކައިވެނީގެ ބޭރުން އަންނަ ޕްރެޝަރުތަކާމެދު އަނބިމީހާ އަބަދުވެސް ސަމާލުވާން ޖެހެއެވެ.