ޔުކްރޭނުގެ އިރުމަތީ ސަހަރެއް ކަމުގައިވާ އިވްޑިވްކާ ސަހަރުން ޔުކްރޭނުގެ ސިފައިން މިއަދު ހެނދުނު ފައިބައިފި އެވެ.
ޔުކްރޭންގެ ސިފައިންގެ އައު ވެރިޔާ އެލެކްސަންޑަރު ސިރަސްކީ ހާމަކުރެއްވި ގޮތުގައި ޔުކްރޭން ސިފައިން މިހާރުވަނީ ދިފާޢީ ރޮނގުތަކަށް ފަހަތަށް ޖެއްސިފައެވެ. މިހާރު ސިފައިން ތިބި ތަންތަން އެމީހުންނަށް ފައިދާ ބޮޑުވާނެތީއެވެ.
ސިރަސްކީ އޭނަގެ ފޭސްބުކުގައި ލިޔުއްވައިފާ ވެއެވެ. "އެވްޑިވްކާގެ ޙާލަތަށް ބަލައިފާ އެ ސަހަރުން ބޭލުމަށް ނިންމީއެވެ."
ޔުކްރޭންގެ އިސްތިރާޖީ ޖަމާޢަތުގެ ވެރިޔާ އެލެކްސަންޑަރު ޓަރްނަވުސްކީ ވިދާޅުވިގޮތުގައި އެއީ އެންމެ ރަނގަޅު ޤަރާރެވެ. އޭނާ ވިދާޅުވިގޮތުގައި ޔުކްރޭން ސިފައިންގެ ފައުޖުތައް އެ ސަހަރު ދޫކޮށް ހިނގައްޖެއެވެ.
މީގެ ދެތިން ދުވަސްކުރިން ރޫސީ ސިފައިން ވަނީ އެވްޑިވްކާ އުތުރު ފަރާތުން ވަށައިލައި ރަށުގެ އުތުރާއި ދެކުނު ވަކިކޮށްލައިފައެވެ.
އެވްޑީވްކާ ސަހަރު ރޫސީންނަށް ލިބުމަކީ ވަރަށް މުހިއްމު ނަޞްރެކެވެ. ޚާއްޞަކޮށް ރޫސީ ހަނގުރާމައަށް ދެ އަހަރު ފުރޭ ދުވަސްވަރަށާއި ރައީސް ޕޫޓިންގެ ރިޔާސީ ޙަމަލާގެ ދުވަސްވަރަށް ބަލާއިރު މިއީ ވަރަށް ފާހަގަކޮށްލެވޭ ކާމިޔާބީއެކެވެ. ރަޝިޔާއިން ދަޢުވާކުރާގޮތުގައި އެއީ ރަޝިޔާގެ އިއްތިޙާދުގެ ބައެކެވެ. މި ބައި ހިމެނެނީ ރަޝިޔާއާ އިއްތިޙާދުވެފައިވާ ޑޮނެޓްސްކް ސަރަޙައްދުގައެވެ.
ޔުކްރޭން ސިފައިން ފޭބި ޚަބަރަށް ކޮމެންޓު ކުރައްވަމުން ރޫސީ ޚާރިޖިއްޔާގެ ތަރްޖަމާނު މާރިޔާ ޒަޚަރޯވާ ވިދާޅުވިގޮތުގައި ކިޔީވުން އެވްޑީވްކާ ސަހަރުން ސިފައިން ބޭލީ އެމީހުންގެ ފުރާނަ ސަލާމަތް ކުރަންވެގެންނެއް ނޫނެވެ. އެހެނަސް އެމީހުން ބޭލީ ރައީސް ޒިލެންސްކީގެ "ކުލީ ސިފައިން" ހިލޭ ސާބަހަށް ހަނގުރާމަ ކުރުމާ ދެކޮޅުހެދުމުންނެވެ. ޒަޚަރޯވާ ވިދާޅުވިއެވެ. "ޒިލެންސްކީގެ ކުލީ ސިފައިންނަކީ ވަރަށް ބޮޑު އަގެއް ދީގެން ހަނގުރާމަ ކުރާ ބައެކެވެ. މި ފައިސާ ވަންނަނީ ސީދާ އެމީހުންގެ ޖީބަށެވެ."
ރައީސް ޒިލެންސްކީ މިއަދު މިޔުނިޚް މަހާސިންތާގައި ވާހަކަފުޅު ދައްކަވަމުން ހާމަކުރެއްވިގޮތުގައި މި އިސްތިރާޖީ ސަހަރުން ސިފައިން ބޭލުއްވީ އެމީހުންގެ ފުރާނަ ރައްކައުތެރިކުރައްވަން ވެގެންނެވެ. އޭނާ ވިދާޅުވިއެވެ. "މި ޤަރާރަކީ ރަނގަޅު އަދި ބުއްދި ބަލައިގަންނާނެ ޤަރާރެކެވެ. އަދި އެއީ ޢަދްލުވެރި ނިންމުމެއް ކަމަށް ވެސް އޭނާ ވިދާޅުވިއެވެ. އެހެން ނޫނީ އެ ހުރިހާ ސިފައިން ޙިޞާރުކުރެވި އަސީރުވެގެންދާނެއެވެ."