މަދު މީސްކޮޅެކޭ ކުޑަ ބިމެކޭ ހީނުކުރާށޭ!
އަދި ވެސް ކުރިހޯދޭނެ – ޢަޒުމުތައް ދިރުވާށޭ!
**** ****
ބަޑިއެއް ނެތި ކަނޑިއެއް ނެތި ރޫޅާލި ބަލާތައް
އަދިވެސް ފުނޑުކުރެވޭނެ – ފަހުން މެޑެލި ޖަހާށޭ!
ދީނާ ހެދި ޤައުމާ ހެދި ފީނާ ހެދި ޣާޒީން
އަދި ވެސް ބިމުގައި ވާނެ – ނިކުމެ ތާޖު އަޅާށޭ!
އިޚްލާޞްތެރި ކިޔަމަންތެރި ބަރަކާތްތެރި ހިތްތައް
އަދި ވެސް ހަރަކާތްވާނެ – އުޑަށް ވާޞިލުވާށޭ!
ހައިހޫނުގެ ވޭނާއެކު ލީ އަބުރުގެ ފޭރާން
އަދިވެސް ހޯދޭނޭ އެ ހެދުން ޤައުމު އަޅާށޭ!
ދިވެހިންގެ ވަޠަން ދިވެހި މި ބިން ދިވެހިދަރީންނަށް
އަދިވެސް އޮންނަންވާނެ – އިހަށް ލޯހުޅުވާށޭ!