ތިނެއް ނޮވެންބަރުގެ ޚާއިނުންނަށް ލަގަން މި ގައުމުގެ ޙަވާލުކުރުމުން
މިނެއް އިމެއްނެތިވަނީ ޚިޔާނާތް ދޮގާއި މަކަރާ ފިސާރި ހަދަމުން
ބިމާ ކަނޑާ ހާހަލާއި ފަރުގިރިތަކާއި ހުރި ހަރުމުދާތަކާ މި ދީބުގެ
ތިމާމެނަށް ލާބަޔާއި މަންފާ ލިބޭމަގުން ގެންދަނީޔެ ބަހަމުން
ޖަހާލަތާ ޝިރުކު ފަތުރަމުންނޭ އެ ގެންދަނީ ވެރިކަމުގެ ފަރާތުން
ބަހާއި ޢަމަލުން ލިބޭނެޔޭ ހެކި މިކަންކަމާ މެދު ޚިޔާލު ކުރުމުން
ޟަލާލަތަށް މަގު ކޮށައިދެމުންނޭ ޢަދާލަތާ ހަމަޖެހުން ނަގާލީ
ސަލާމަތަށް އެދި ހިނގާނެހުރިހައި މަގެއްދަނީ ހަމަ މުޅިންމެ ނެތެމުން
އަމާންކަމާ ޞުލްޙަޔާއި ދީނާ މިތާގެ މިނިވަންކަމާ ނަގައިލާ
ސަމާލުކަންހުރި އަވަށްޓެރިންނަށް ދަނީޔެ ތަޅުދަނޑި ހަވާލުކުރަމުން
މިރާއްޖެ ހަމަ އުފެދުނީއްސުރެންވެސް މިވަރުނުބައި ވެރިކަމެއްނުކުރެޔޭ
ކިރާ ވަޒަންކޮށް އަޅާކިޔާ އިރު ހަގީގަތޭ މީ އެނގޭނެ ބެލުމުން
ނަވާރަ އަށްޑިހައަށެއް ނޮވެންބަރު ތިނެއް ބުރާސްފަތި ހަނދާންކުރީމާ
ނަވާރަ ދިވެހިން ޝަހީދުކޮށްލީ ސަބަބު މިހިރަގެންދަނީޔެ އެނގެމުން
ގޮވާނަގާ ހަރުއަޑުން ވަޠަން އަދު ޝަހީދު ޙުސެންފަދަ ކެރޭ ދަރީންނަށް
ހުވާކުރާށޭ ނުވާން ޣަދަރުވެރި ދިފާޢުގައި ކެރި އަމާޒު ހިފަމުން
