އެންމެ ގިނައީ ދޭހުގައި ވަރިއާއި ޕާޓީތައް މެޔޭ
ދެން ފަގީރުކަމާއި ނިކަމެތިކަން އެއާ ގުޅިފައިވެޔޭ
އޮންނަ ހަމަޖެހުމާއި އެއްބައިވަންތަކަން ހިފެހެއްޓުމަށް
ކޮންމެ ގޯޅިއަކާ މަގެއްގައި ދިހަ އެތައް ޕާޓީވެޔޭ
ކޮންމެ ޕާޓީއެއް ވިޔަސް ހަމަ ހިނދުކޮޅެއްގެ ތެރޭ އިގޭ
އެންމެ ފަޅިއެއް ނޫން އެތައް ބަޔަކަށް މި ޕާޓީ ބައިވެޔޭ
ކޮންމެ ބަޔަކުން ވެސް އިތުރު ދެބައެއް އަލުން މައުޖޫދުވޭ
ކޮންމެހެން އެއްބައިވުމަށް ދެން އަދި މަސައްކަތްކޮށްލަޔޭ
ނަމަވިޔަސް އަނގުރޭ އެއީ އަލިފާން އެއިން ލިބިފައިނުވާ
ހަމައެކަނި ކަންޏެއް ބުރައިލުން ނޫން ކަމެއް ނުމެވޭމެޔޭ
މުޅި އަނގުރުތައް ވެސް ނިހާޔަތުގައި އަނދައިގެން ހުލިވުމުން
އަޅިކޮޅެއް ނޫން ހަމަ އެކައްޗެއް ވެސް ވުޖޫދަށް ނާދެޔޭ
ރަށް އެކީ މިތުރުންތަކުން ފުރިފައިވިޔަސް ތޮއްޖެހި އެކީ
ރައްޓެހީންގެ ތެރޭން އެކަކު ވެސް އަހުރެނަށް ނުލިބޭމެޔޭ
ކަން މިހެން ހުރުމާއެކީ ޕާޓީ ހެދީން ނަފުސީ ގޮތުން
ދެން މަވެސް އެއްފަދައަކުން އަހުރެންގެ ޕާޓީން ވަކިވިޔޭ
ނޯޓް: މިއީ އަޅުގަނޑުގެ އަމިއްލަ ޚިޔާލެއް ނޫނެވެ. މިއީ ޑރ. ޢަބްދުލްޣަފޫރު ޢަބްދުއްރަޙީމް ލިޔުއްވައިފައިވާ "ޕާޓީން ވަކިވުން" ކިޔައިލުމަށް ފަހު، އެ ޚިޔާލުތައް ވަޒަން ބަހުރުވައަށް ބަދަލުކޮށްލެވޭތޯ ކުރެވުނު މަސައްކަތުގެ ނަތީޖާއެވެ.
