މި ޢީދެއްމެ ގެނުވީ ނުހަނުމާތްވި ޙައްޖޭ ވި ޢީދުގެ އުފާވެސް މި ގެނުވީ މި ޙައްޖޭ
އުފާތައް ކުރާނޭ ގޮތާފޮތް އެނގޭއިރު ކުރާކަށް ހަނދާންވެސް ތި ނެތެނި މަ ޙައްޖޭ
އެތައްގިނަވި ޤުރްބާން ތަކެއްކޮށް ކެއުންކައި ނިޔަތްވެސް ތި ނެތެނީ ނަށާއިރު މަ ޙައްޖޭ
އެ ދުވަހެއްގެ މާތްކަން ކިޔައިދީ އުޅޭއިރު ވި ދުވަހެއްގެ ނަންވެސް ނުލިޔަނީ މި ޙައްޖޭ
ދަރިންނަށް ރަހައިންވީ އުފާތައް އެނގޭއިރު ދަރިންނަށް ވި ނޭނގޭ ނަމެއްމީ މަ ޙައްޖޭ
އުޑާބިން ކަނޑާ ވައި މި ޙައްޖަށް ގޮވާއިރު ފުނޑާލައި މި ނަންވެސް ނިވައިވީ މި ޙައްޖޭ
އެތައްގުނަ ޘަޥާބެއް ލިބޭނޭ ޠޮޥާފުން ހިތަށް ލުއި ލިބޭކަން ނުއެގިވީ މި ޙައްޖޭ
އުފާވެރި ވި ޝަރަފެއް މި މޫސުމްގެ ލިބިވީ އުފާވާގޮތެއްގައި ގެނެސްދިން މި ޙައްޖޭ
ސަލާމްކޮށް ކިޔައިފައި މުބާރިކް އެ ޢީދަށް ސަލާމުން ވި އެކަހެރި ތި ކޮށްލީ މަ ޙައްޖޭ
ދުވަސް ޢީދު އެނގިގެން ދަރިންތައް އެ ހޭއިރު ދުވަސް ނޭގި ދުރުގައި ވި ބާކީ މި ޙައްޖޭ
ކިޔާތީ މި އިވެނީ އައީ ޢީދުދުވަހޭ ކިޔަންވީ ދުލުން އަދު އައީ މާތް މި ޙައްޖޭ
މިއަދުމީ އެ ދުވަހޭ މިއަދުމީ އެ އުފަލޭ މިއަދު މީ އެ ޝަރަފޭ ލިޔާށޭ މި ޙައްޖޭ