މިނިވަންކަމާއި ސިޔާދަތާ ދިވެހިއްޔަތަށް ލިބިފައި މިވާ
ދިނިގެން ނުދާފަދަ ޙާލުގައި ފައިދަށު ވަނީ ވިސްނައިބަލާ
ނަމުގައި ކަމާވާފަދައަކުން އަނދުނެއް އަޅައި ދައްކާ ވިދުން
ހަމުގައި ދެކުލަ ވީ ޚާއިނުން ހެވަކަށް ދެކޭ އަދު ހޭ އަރާ
އުފަލާ އަރާމެއްކަމަށް ދެކެ ހިތް ލެއާ ވަޠަނުގެ ދިރުން
އުފަކާރަކަން ޖީބަށްކަހަން ދިއްކޮށް ލަނީ ބޭރަށް ޖަހާ
ތާރީޚުގައި ލީ ރަހައަކަށް އަޅުވެތިކަމުން ވީ ރިހުމަކަށް
އާ ދަހިވެތިން ކޮށްފައި މަލާމާތް ތިބެ މި ބިން ކޮށްފިއެފަނާ
ހުއްރިއްޔަތަށް އެދިގެން ދެވޭ ތަރުބިއްޔަތެއް ނުމެ ނެތް ލިބޭ
ޙުއްބުލް ވަޠަން ކޮށް ރަމްޒަކަށް ޢިލްމުގެ ވެށިން ލައިފިއެ މަރާ
މިނިވަންކަމަށް އައްޑަނަވެދާ ޤައުމުގެކަމާ ހުނަރާ ފިކުރު މުޑުދާރުކޮށް
ހިނިތުންވެތިބެ ޤައުމުގެދަރިން އެކަމުން ފެއަށް ލައި ފިއެ ނޮޅާ
ބޭރުން ދިރޭ ވިޔަފާރިވެރި ނަމައީ ޚިޔާލެއް ތިބެ ގެނެސް
ރޭރުންވެދާފަދަ ވިސްނުމުން ވިސްނައި ދެނީ މުށް އެކު މޮހާ
ހެދިފޯދިދާ ހުރިހާ ފިކުރު ދިރުވައިވަނީ އެދުމުން ފުރައި
ބެދިގޮސް ބިދޭސީ އަތްތަކަށް ދޫކޮށްލަނީ އެދުމުންފުރާ
ހެޔޮވާނެތޯ ޤައުމާ ސަލާމަތް ނެތިކުރަން ވަޠަނުގެ ދަރިން
ހެޔޮވާނެތޯ ލިބިވީ ޝަރަފު ދޫކޮށްލުމަށް ލިބިފައި މިވާ
މިނިވަން ދުވަހު ޙާލަތު ބަލައި ކުރިމަގު އުޖާލާވާނެގޮތް
ގިނިކޮށް ނުލައި ސިކުނޑިން ކިރައި މޭނެރެ ދަރިން ބަލަމާހިނގާ
ވަޠަނެއް ދިވެހި ޤައުމެއް ދިވެހި ސަރުކާރަކަސް ދައުލަތްވިޔަސް
އަތަކަށް ލިބުން ނޯންނާނެއޭ މިގޮތަށް ވުމުން ވިސްނައިލަމާ
