ދެކުނުގެ ރަށްރަށަށް ގެންދާ 4.5 މިލިއަން ލިޓަރުގެ ތެޔޮ ބަރުކޮށްގެން ދަތުރުކުރާ ފިއުލް ސަޕްލައިޒްގެ ތެޔޮ ޓޭންކަރެއް ގދ. ފަރެސްމާތޮޑާ ބަނދަރުގައި އޮއްވައި ދިޔަވާން ފެށުމުން، އެމް.އެން.ޑީ.އެފްގެ ޑައިވަރުން ގޮސް، ދިޔަވުން ކޮންޓްރޯލްކޮށްފިއެވެ. ބޯޓު ދިޔަވި ނަމަވެސް ކަނޑަށް ތެޔޮ ބޭރުނުވާ ކަމަށް ވެސް އެމް.އެން.ޑީ.އެފުން ބުންޏެވެ.
އެމް.އެން.ޑީ.އެފުން ބުނީ "އެމް.ވީ އަލިހުރަސް" ދިޔަވާކަމުގެ މައުލޫމާތު މިއަދު މެންދުރުފަހު ލިބުމުން އެމް.އެން.ޑީ.އެފް ކޯސްޓްގާޑުގެ ޑައިވަރުން ގޮސް ފީނައިގެން ބެލިބެލުމުން، ބޯޓުގެ ހަލްއިން ދިޔަވާ ހިސާބު ދެނެގަނެވި، ދިޔަވުން ކޮންޓްރޯލްކޮށްފައިވާ ކަމަށެވެ.
މައުލޫމާތު ލިބޭ ގޮތުގައި ޓޭންކަރުން ދިޔަވަނީ އިންޖީނު ރޫމާ ދިމާލުންނެވެ.
ޖުމްލަ 17 ފަޅުވެރިން ތިބި މި ބޯޯޓުގައި 4322.735 ކިލޯ ލީޓަރުގެ ޑީސަލާއި 456.514 ކިލޯ ލީޓަރުގެ ޕެޓްރޯލް ހުރި ކަމުގެ ރިޕޯޓު ލިބިފައިވާ ކަމަށް ވެސް އެމް.އެން.ޑީ.އެފުން ބުނެއެވެ.
ކުރިން އެސް.ޓީ.އޯގެ ޓޭންކަރެއްގެ ގޮތުގައި ބޭނުންކުރި "އެމް.ވީ އަލިހުރަސް" މިދިޔަ އަހަރުގެ ސެޕްޓެމްބަރުން ފެށިގެން ވަނީ ފިއުލް ސަޕްލައިޒްގެ ފްލީޓަށް އިތުރުކޮށްފައެވެ. ފިއުލް ސަޕްލައިޒް އަކީ އެސް.ޓީ.އޯގެ ސަބްސިޑަރީ ކުންފުންޏެކެވެ.
@FuelSuppliesMv fleet ah @stoplc ge ALIHURAS Libumakee FSM ge Operation libey Varah Bodu kurierumeh Shukuriyyaa @HusenAmr @waadu21 pic.twitter.com/ZISZTcQ5F6
— Mohamed Gasam (@MGasam) September 27, 2020
advertisment
