މަޖީދީމަގު/ ޖަނަވަރީމަގު ކަންމަތީގައި ހުރި ފިހާރައެއްގައި ރޯވެ، އަނދައި ހުލިވެއްޖެ އެވެ.

އަލިފާން ރޯވި ފިހާރައަކީ ހ. ޑޮނީގޯލްގެ ތިރީގައި ހުރި "ވެސްޓަޔަރ" ހެނދުން ވިއްކާ ފިހާރައެކެވެ. އެ ފިހާރައިގައި ރޯވި އަލިފާންގަނޑު އާއްމުންނަށް ފެނުނުއިރު ހުރީ ވަރަށް ބޮޑަށް ހުޅުގަނޑު ފަޅައިގެންގޮސް މުޅި ފިހާރައިގައި ރޯވެފައެވެ.

BREAKING: Fire at Janavareemagu pic.twitter.com/VzMEl7kIPD

— adhives.mv (@AdhivesOnline) August 30, 2020

އެމްއެންޑީއެފުން ބުނީ މި ހާދިސާގެ ރިޕޯޓް އެމްއެންޑީއެފަށް ލިބިފައިވަނީ މިއަދު މެންދުރު 13:08 އެހާކަންހާއިރު ކަމަށާއި ފިހާރައިގައި ރޯވި އަލިފާންގަނޑު ކުޑަ ވަގުތު ކޮޅެއްގެ ތެރޭގައި ނިއްވާލާފައިވާ ކަމަށެވެ. އެމްއެންޑީއެފުން ބުނީ މި ހާދިސާ ހިނގަން މެދުވެރި ކަމަށް ލަފާކުރެވެނީ އެތަނުގެ ތެރޭގައި ހުރި އޭސީއެއްގައި ރޯވެގެންނެވެ. މިހާދިސާގައި އެއްވެސް މީހަކަށް ގެއްލުމެއް ލިބިފައިނުވާ ކަމަށް ވެސް އެމްއެންޑީއެފުން ބުންޏެވެ.

"އެ ހާދިސާ ހިނގަން މެދުވެރިވީ ފިހާރަތެރޭގައި ހުރި އޭސީއެއްގައި ރޯވެގެން ކަމަށް ލަފާކުރެވޭ،" އެމްއެންޑީއެފްގެ އޮފިޝަލަކު ވިދާޅުވި އެވެ.

އަލިފާނުގެ މިހާދިސާއާ ގުޅިގެން ހެލްތް ޕްރޮޓެކްޝަން އެޖެންސީން ވަނީ މިއަލިފާނުގެ ދުމުން ރައްކާތެރިވުމަށް ދުމުގެ އަސަރުކުރާ ހިސާބަށް އާއްމުން ނިދިއުމަށް އިލްތިމާސްކޮށްފަ އެވެ.

އެމް.އެން.ޑީއެފުން ބުނީ މެންދުރު 1.30ގައި އަލިފާން ނިއްވާލައިފި ކަމަށާއި އެއްވެސް މީހަކަށް ގެއްލުމެއް ނުވާ ކަމަށެވެ. އަލިފާން ރޯވި ކަމަށް ރިޕޯޓު ލިބުނީ އޭ.ސީ އިންޑޯގައި ކަމަށެވެ.

Update: Alifaangandu mihaaru vanee control kohffai pic.twitter.com/nNhcyB17ks

— Muzayyin Nazim (@tedmaldives) August 30, 2020

މިދިޔަ ހުކުރު ދުވަހުގެ ރޭ ވެސް މާލޭގައި އަލިފާނުގެ ހާދިސާއެއް ވަނީ ހިނގައިފަ އެވެ. އެ ރޭ ހެންވޭރުގައި ދެބުރިއަށް ހުރި ކެފޭއެއްގައި ރޯވެ، ޖެހިގެން ހުރި ދިހަ ބުރީގެ އިމާރާތަކަށް ހުޅުގަނޑު ފެތުރި، އެ އިމާރާތުގެ އެންމެ މަތީގައި ހުރި ޕެންޓް ހައުސް އެއްކޮށް ވަނީ އަނދާ ހުލިވެފަ އެވެ.