މާލޭ ދެކުނު ފަރާތު ފަޅުތެރޭގައި، މޭރީ ބްރައުން ކުރިމަތީގައި، އަޅައިފައި ހުރި ލޯންޗުތަކެއްގައި މިއަދު ހެނދުނު ހިނގި އަލިފާނުގެ ހާދިސާގައި އެކަކަށް އަނިޔާވެ ފަސް ލޯންޗަކަށް އެކިވަރުގެ ގެއްލުން ލިބިފައިވާ ކަމަށް އެމް.އެން.ޑީ.އެފުން ބުނެފިއެވެ.
އެމް.އެން.ޑީ.އެފުން ބުނީ ހެނދުނު 6.15 ހާއިރު ހިނގި މި ހާދިސާގައި އަނިޔާވި މީހާ އައިޖީއެމް.އެޗަށް ގެންގޮސްފައިވާ ކަމަށެވެ.
"މި ހާދިސާގެ މައުލޫމާތު މިއަދު ހެނދުނު 06:13 ހާއިރު އެމްއެންޑީއެފް ފަޔަރ އެންޑް ރެސްކިޔު ސަރވިސްއަށް ލިބުމާއެކު މާލެ ފަޔަރ ސްޓޭޝަންގެ ސިފައިން ވަނީ ހަރަކާތްތެރިވާން ފަށާފައެވެ. ފަޔަރ ފައިޓަރުން ކުރި މަސައްކަތުން އަލިފާން ސްޓޭބަލް ކުރެވުނީ 06:16 ހާއިރުއެވެ. އަދި ރޯވެފައި ހުރި އަލިފާންގަނޑު އެއްކޮށް ނިއްވާލެވުނީ 06:45 ހާއިރުއެވެ." އެމް.އެން.ޑީ.އެފުން ނެރުނު ބަޔާނުގައިވެއެވެ.
މި ހާދިސާ، މޯލްޑިވްސް ޕޮލިސް ސަރވިސްއިން ދަނީ އިތުރަށް ތަޙުޤީޤު ކުރަމުންނެވެ.
#Update: Male' City dhekunu faraathu falhu thereygai alhaafai oiy 3 launchehgai hingi alifaanuge haadhisaagai meehakah aniyaave IGMH gai dhanee faruvaa dhemun. https://t.co/E1FIUFV5Ff pic.twitter.com/NuwlSFoAv4
— Maldives National Defence Force (@MNDF_Official) June 17, 2021
advertisment
