ބޭންކް އޮފް މޯލްޑިވްސް (ބީ.އެމް.އެލް) ގެ އޭޓީއެމްތަކުންނާއި ފިހާރަ/ކެފޭތަކުން ކޭޝް ކާޑު ހިދުމަތް މިއަދު ހަވީރުން ފެށިގެން މެދުކެނޑިގެން ގިނަ ބަޔަކު ޝަކުވާކުރަން ފަށައިފިއެވެ.

ބައެއް މީހުން ބުނި ގޮތުގައި މިއަދު ހަވީރުން ފެށިގެން އޭޓީއެމްތަކުން ވެސް ކާޑުގެ ބޭނުމެއް ނުކުރެވެއެވެ. އަދި ޕެޓްރޯލް ޝެޑްތަކުންނާއި ބައެއް ފިހާރަތަކުންނާއި ކެފޭތަކުން ވެސް ކާޑުގެ ބޭނުމެއް ނުކުރެވެއެވެ.

"ދިހަ ފަހަރު އުޅެގެން އެއް ފަހަރު ކެނޑުނީ،" ކެފޭއަކުން ފައިސާ ކަނޑަން އުޅުނު މީހަކު ބުންޏެވެ.

miyadhuge haveerun feshigen ATM thakuge haalathu, transfer eh nukurevey, card in pay eh nukurevey, ATM akun laari eh nunegey, hama shaabas ⁦@bankofmaldives⁩ pic.twitter.com/Jz0i5uJbqx

— MD???? (@m4mohd1970) February 1, 2021

އޭޓީއެމަކުން ފައިސާ ނަގަން ގޮސް، ފައިސާ ނުނެގިގެން އުޅޭ މީހުންތަކެއްގެ ވީޑިއޯއާއެކު މީހަކު ކޮށްފައިވާ ޓުވީޓެއްގައި ބުނީ މިއަދު ހަވީރުން ފެށިގެން އޭޓީއެމްތަކުގެ ހާލަތަކީ މިއީ ކަމަށާއި ޓްރާންސްފާ ވެސް ނުކުރެވޭ ކަމަށެވެ. އަދި ކާޑުން ފައިސާ ވެސް ނުދެއްކޭ ކަމަށާއި އޭޓީއެމުން ފައިސާވެސް ނުނެގޭ ކަމަށެވެ.

މިކަމާ ބެހޭ ގޮތުން ބީ.އެމް.އެލްގެ ބަޔާނެއް އަދި ނުނެރެއެވެ.

ބ. އޭދަފުށީގައި ހުންނަ ބީ.އެމް.އެލްގެ އޭޓީއެމުން ވެސް ފައިސާ ނުނެނިގެން އެކަމުގެ ޝަކުވާތައް ދަނީ ލިބެމުންނެވެ.

ދިވެހިންގެ އެންމެ ގިނަ ބަޔަކު ހިދުމަތް ހޯދާ ބީ.އެމް.އެލްގެ އޭޓީއެމްތަކުންނާއި ފިހާރަ/ކެފޭތަކުން ކޭޝް ކާޑު ހިދުމަތް ދޭތެރެ ދޭތެރެއިން މެދުކެނޑި، ތަފާތު އުނދަގޫތައް ކުރިމަތިވެއެވެ. އަދި އޭޓީއެމްތަކުން "ވަގުތީ ގޮތުން ހިދުމަތް މެދުކެނޑިފައި" ހުންނަ ވަރަށް ގިނަ ފަހަރު ކުރިމަތިވެގެން، ގިނަ ބަޔަކު އަބަދުވެސް ޝަކުވާކުރެއެވެ.