ކޮވިޑް19 ކޮންޓްރޯލް ކުރުމަށް ރާއްޖެއިން ކުރަމުން ގެންދާ މަސައްކަތްތަކަށް އެހީތެރިވުމުގެ ގޮތުން އެމެރިކާއިން ކްރިޓިކަލް ކެއާ 60 ވެންޓިލޭޓަރު ރާއްޖެއަށް ހަދިޔާކޮށްފިއެވެ.

ފޮރިން މިނިސްޓްރީން ބޭއްވި ވާޗުއަލް ރަސްމިއްޔާތެއްގައި އެ ވެންޓިލޭޓަރުތައް ރާއްޖެއަށް ހަވާލުކޮށްދެއްވީ އެމެރިކާއިން ރާއްޖެއަށާއި ސްރީލަންކާއިން ކަނޑައަޅުއްވާފައި ހުންނަވާ ސަފީރު އެލައިނާ ޓެޕްލީޒްއެވެ. ރާއްޖެއިން އެ ވެންޓިލޭޓަރުތަކާ ހަވާލުވެވަޑައިގެންނެވީ ލަންކާގައި ހުންނަވަ ރާއްޖޭގެ ސަފީރު އުމަރު އަބްދުއްރައްޒާގެވެ.

“This generous donation facilitated by USAID would greatly expand the current ICU capacity of the country and enhance our preparedness to address health emergencies even after the pandemic. It is also a perfect symbol of the growing friendship &cooperation between ???????? and ????????” pic.twitter.com/zBdRDJMoZc

— Ministry of Foreign Affairs ???????? (@MoFAmv) September 24, 2020

މި ރަސްމިއްޔާތުގައި ވާހަކަ ދައްކަވަމުން ފޮރިން މިނިސްޓަރު އަބްދުﷲ ޝާހިދު ވިދާޅުވީ ޔޫއެސް އެޖެންސީ ފޯ އިންޓަނޭޝަނަލް ޑިވެލޮޕްމަންޓް މެދުވެރިކޮށް (ޔޫއެސްއޭއައިޑީ) އެމެރިކާއިން ހަދިޔާކުރި ވެންޓިލޭޓަރުތައް ލިބުމުން ރާއްޖޭގެ އައިސީޔޫގެ ކެޕޭސިޓީ އިތުރުވެގެންދާނެ ކަމަށެވެ. އަދި ނުރައްކަލުގެ ހާލަތަށް ތައްޔާރުވާ މިންވަރު ރަނގަޅު ކުރެވޭނެ ކަމަށް ވެސް މިނިސްޓަރ ވިދާޅުވި އެވެ.

މި ވެންޓިލޭޓަރުތަކާ އެކު އެމެރިކާއިން ރާއްޖެއަށް ފޯރުކޮށްދީފައިވާ އެހީގެ އަދަދު ހަތަރު މިލިއަން ޑޮލަރަށް އަރާފައިވާ ކަމަށް ވެސް ޝާހިދު ވިދާޅުވި އެވެ.

މި ރަސްމިއްޔާތުގައި ވާހަކަ ދައްކަވަމުން ސަފީރު ވިދާޅުވީ މިއަދު ރާއްޖެއަށް ހަދިޔާ ކުރި ވެންޓިލޭޓަރުތަކަކީ މުޅިން އާ ވެންޓިލޭޓަރުތަކެއް ކަމަށާއި އެތަކެތި ބޭނުން ކުރުމަށް ބޭނުންވާ ފަންނީ އެހީތެރިކަން ވެސް އެމެރިކާއިން ފޯރުކޮށްދޭނެ ކަމަށެވެ.