ރާއްޖެއަށް ޗައިނާ އިން ދީފައިވާ ލޯންތައް ނުދެއްކިޖެނަމަ ބަދަލެއްގެ ގޮތުން އެގައުމަށް ރާއްޖޭގެ ރަށްތަކެއް ދޫކޮށްލަން ޖެހިދާނެ ކަމަށް ބުނެ ދައްކާ ވާހަކަތައް ޗައިނާގެ ސަފީރު ޖަންގް ލި ޖޮންގް ދޮގުކުރައްވައިފިއެވެ.
ރާއްޖެއަށް ޗައިނާއިން ދޫކޮށްފައިވާ ލޯންތައް ރާއްޖެއަށް ނުދެއްކިއްޖެ ނަމަ ރާއްޖޭގެ ބައެއް ރަށްތަށް ޗައިނާއަށް ދޫކޮށްލަން ޖެހިދާނެ ކަމަށް ކުރީގެ ރައީސް އަދި މަޖިލީހުގެ ރައީސް މުހައްމަދު ނަޝީދު ގެންދަވަނީ ވިދާޅުވަމުންނެވެ. ދާދިފަހުން ބީބީސީއަށް ދެއްވި އިންޓަވިއެއްގައި ވެސް އެފަދަ މޭރުމަކުން ނަޝީދު ވަނީ ވާހަކަދައްކަވާފައެވެ.
My thoughts on debt issue (part 3/3)
The debt sustainability should be taken seriously, as it is essential for sustainable growth.
The so-called debt trap is simply a gimmick for political purpose, but never be a solution to debt sustainability. pic.twitter.com/EIyAcHIECA
— Amb. Zhang Lizhong (@AmbassadorZhang) September 22, 2020
ޗައިނާގެ ސަފީރު ޓުވީޓާ މެދުވެރިކޮށް ދެއްވާފައިވާ ވީޑިއޯ އިންޓަވިއުއެއްގައި ވިދާޅުވީ ރާއްޖެއަށް ޗައިނާއިން ދޫކޮށްފައިވާ ލޯންތައް ރާއްޖެއަށް ނުދެއްކޭނެ ހާލަތެއް މެދުވެރިވެއްޖެ ނަމަ އެގައުމުން ރާއްޖޭގެ ރަށްތަކެއް ނޫނީ ބިންތަކެއް ހޯދަން އެދޭނެ ކަމަށް ބުނާ ވާހަކައަކީ ހަގީގަތެއް ނޫން ކަމަށެވެ. އަދި ޗައިނާއިން އެއްވެސް ގައުމަކަށް ދޫކޮށްފައިވާ ލޯން ފައިސާ ހޯދަން އެގައުމަކަށް އުނދަގޫވާ ހާލަތެއްގައި ބާރުނާޅާނެ ކަމަށެވެ. އަދި މުސްތަގުބަލުގައި ވެސް އެފަދަ ހާލަތެއް މެދުވެރިވެއްޖެ ނަމަވެސް އަމަލް ކުރާނީ ބައިނަލްއަގުވާމީ މިންގަނޑުތަކާ އެއްގޮތަށް ދެ ފަރާތުން ވާހަކަ ދައްކައިގެން ކަމަށް ވެސް ސަފީރު ވިދާޅުވި އެވެ.
"ބައެއް ފަރާތްތަކުން ދައުވާކުރާ ގޮތުގައި ދިވެހި ސަރުކާރަށް ޗައިނާއިން ދީފައިވާ ލޯންތައް ނުދެއްކިއްޖެ ނަމަ ބަދަލެއްގެ ގޮތުގައި ބިންތަކެއް ނޫނީ ރައްތަކެއް ދޭން ޗައިނާއިން އެދޭނެ. އެހެންނަމަވެސް އެއީ އެއްވެސް އަސާސެއް ނެތް ވާހަކައެއް،" ސަފީރު ވިދާޅުވިއެވެ.
ޗައިނާއާ ރާއްޖެއާ ދެމެދުގައި އޮތް އެއްބާރުލުމަކީ ރަހުމަތްތެރިކަމާ އެކު ކުރި މަސައްކަތުގެ ނަތީޖާ ކަމަށާއި މިއީ އެއް ފަރާތުން ބޭނުންވާ ގޮތަކަށް ހުރިހާ ކަމެއް ނިންމާ ގޮތަށް އޮތް ގުޅުމެއް ނޫން ކަމަށް ވެސް ސަފީރު ވިދާޅުވި އެވެ.
advertisment
