އ.ދގެ ޗާޓަރުގައި ވާގޮތަށް ބައިނަލްއަގުވާމީ ރޫހުގައި މަސައްކަތް ކުރުމުގައި ދިވެހިރާއްޖެ ދެމިއޮންނާނެ ކަމުގައި ރައީސުލްޖުމްހޫރިއްޔާ އިބްރާޙިމް މުހައްމަދު ސޯލިހު ވިދާޅުވެއްޖެއެވެ.
ރައީސް ސޯލިހު މިހެން ވިދާޅުވީ އ.ދގެ މެމްބަރެއްގެ ގޮތުގައި ދިވެހިރާއްޖެ ވިތާ 55 އަހަރު ފުރުނު މުނާސަބަތާ ގުޅިގެން މިއަދު ކުރެއްވި ޓްވީޓެއްގައެވެ.
އ.ދގެ މެމްބަރެއްގެ ގޮތުގައި ދިވެހިރާއްޖެ ވީ 21 ސެޕްޓެމްބަރު 1965 ގައެވެ. އެއީ 26 ޖުލައިގައި 1965 ގައި ރާއްޖެއަށް މިނިވަންކަން ލިބުނުތާ 56 ދުވަސް ފަހެވެ. އ.ދ އަށް ކަނޑައެޅި ރާއްޖޭގެ ފުރަތަމަ ދާއިމީ މަންދޫބަކީ މަރުހޫމު އަހުމަދު ހިލްމީ ދީދީއެވެ.
As we celebrate our 55th anniversary as a proud member of the @UN, Maldives remains fully committed to the values championed by the UN. We will always stand with our international partners and act in the spirit of internationalism enshrined in the UN Charter.
— Ibrahim Mohamed Solih (@ibusolih) September 21, 2020
"އ.ދގެ ފަހުރުވެރި މެމްބަރެއްގެ ގޮތުގައި 55 ވަނަ އަހަރު ފާހަގަކުރާއިރު، ދިވެހިރާއްޖެއިން ޔޫ.އެންގެ ގަވާއިދުތަކަށް ފުރިހަމައަށް ބޯލެނބުމުގައި ކުރިއަށް ދާނަމެވެ. އަޅުގަނޑުމެން އަބަދުވެސް ތިބޭނީ އަޅުގަނޑުމެންގެބައިނަލްއަގުވާމީ ޕާޓްނަރުންނާއެކުއެވެ. އަދި ޔޫ.އެންގެ ޗާޓަރުގައި ވާގޮތަށް ބައިނަލްއަގުވާމީ ރޫހުގައި މަސައްކަތް ކުރުމުގައި ދެމިތިބޭނަމެވެ." ރައީސް ސޯލިހު ވިދާޅުވިއެވެ.
އ.ދ މަޖިލީސް އުފެދުނީ 24 އޮކްޓޯބަރު 1945 ގައެވެ. އަންނަ މަހު 24 ގައި އ.ދ އަށް 75 އަހަރުވާނެއެވެ.
މި މުނާސަބަތާ ގުޅިގެން ފޮރިން މިނިސްޓަރ އަބްދުﷲ ޝާހިދު ވެސް މިއަދު ވަނީ ޓްވީޓެއްކުރައްވައިފައެވެ.
“We dedicate ourselves to the principles of this world body & declare our faith in the support of the Charter of the UN” Ahmed Hilmy Didi, 1st PR
Maldives flag was proudly flown at UN on this day, 55 years ago. Our resolve remains unchanged! Our commitment to U.N. unwavering! pic.twitter.com/c0JDo5Js57— Abdulla Shahid (@abdulla_shahid) September 21, 2020
advertisment
