ﷲ ސުބްޙާނަހޫ ވަ ތަޢާލާ ކީރިތި ރަސޫލާ ﷺ އަށް އެހެން އެއްވެސް ރަސޫލުބޭކަލަކަށް ދެއްވައިފައިނުވާ ޚާއްޞަ އެތައް އިމްތިޔާޒުތަކެއް ދެއްވައިފައި ވެއެވެ. މި ލިޔުމުގައި މީގެތެރެއިން 100 ކަމެއް ފާހަގަކޮށްލާނަމެވެ.
ދުނިޔެމަތީގައި ދެއްވައިފައިވާ ބައެއް އިމްތޔާޒުތައް
- ކީރިތި ރަސޫލާ ﷺގެ ނަބީކަމާމެދު އެހެން ހުރިހާ ނަބީބޭކަލުންގެ ކިބައިން ޢަހްދު ހިއްޕެވުން
- ކީރިތި ރަސޫލާ ﷺ އާ ބެހޭ ފުރިހަމަ މަޢުލޫމާތު ފޮތުގެ އަހްލުވެރީންނަށް ދެއްވައިފައިވުން
- އާދަމުގެފާނު ހެއްދެވުމުގެ ކުރިން އެކަލޭގެފާނުގެ ނަބީކަން ލިޔުއްވައިފައިވުން
- އެންމެ ފުރަތަމަ މުސްލިމަކީ ކީރިތި ރަސޫލާ ﷺ ކަމުގައި ލެއްވުން
- ނަބީކަން ޚަތިމުކުރެއްވި ރަސޫލާ ކަމުގައި ލެއްވުން
- އިސްލާމްދީނުގެ ނަބިއްޔާ ކަމުގައި ލެއްވުން
- ނަބީބޭކަލުންނަށް އެބޭކަލުންގެ ޤައުމުތަކަށްވުރެން ކީރިތި ރަސޫލާ ﷺ އައުލާކަން ބޮޑުވުން
- މުއުމިނުންނަށް އެމީހުންގެ އަމިއްލަ ނަފްސުތަކަށްވުރެން ކީރިތި ރަސޫލާ ﷺ އައުލާކަން ބޮޑުވުން
- ކީރިތި ރަސޫލާ ﷺ ގެ އަނބިއަނބިކަނބަލުން މުއުމިނުތަކުންގެ މައިންކަމުގައި ލެއްވުން
- ﷲ އެކަލާނގެ އަޅުންނަށް ދެއްވި އިނާމެއް ކަމުގައި ކީރިތި ރަސޫލާ ﷺ ލެއްވުން
- އާދަމުދަރީންގެ ސާހިބާކަމުގައި ކީރިތި ރަސޫލާ ﷺ ވުން
- ކީރިތި ރަސޫލާ ﷺ އަށް ކިޔަމަންގަތުމާއި ބައިޢަތު ހިފުމަކީ ހަމަ ﷲ ތަޢާލާއަށް ކިޔަމަންގަތުމާއި ބައިޢަތު ހިފުން ކަމުގައިވުން
- ކީރިތި ރަސޫލާ ﷺ އަށް އީމާންވުން ﷲ ޖައްލަ ޖަލާ ލުހޫ އަށް އީމާންވުމާ ގުޅުއްވައިފައިވުން
- ކީރިތި ރަސޫލާ ﷺ ޢާލަމުތަކަށް ރަޙްމަތެއްކަމުގައި ވުން
- ކީރިތި ރަސޫލާ ﷺ އެކަލޭގެފާނުގެ އުންމަތަށް އަމާނެއް ކަމުގައި ލެއްވުން
- ކީރިތި ރަސޫލާ ﷺ ގެ ރިސާލަތު މުޅި ދުނިޔެއަށް ޢާންމު ރިސާލަތެއްކަމުގައި ލެއްވުން
- ކީރިތި ރަސޫލާ ﷺ ރައްކައުތެރިކޮށް ދެއްވުމުގެ ޖާމިނުކަން މާތްﷲ ދެއްވުން
- ކީރިތި ރަސޫލާ ﷺ ގެ ދީން ރައްކައުތެރިކުރައްވާނެކަމުގެ ޖާމިނުވުން މާތްﷲ ދެއްވުން
- ކީރިތި ރަސޫލާ ﷺ ގެ ޙަޔާތްޕުޅު ގަންދެއްވާ މާތްﷲ ބަސް ވަޙީކުރެއްވުން
- ކީރިތި ރަސޫލާ ﷺ ގެ އުފަން ރަށް ގަންދެއްވައި މާތްﷲ ބަސްވަޙީ ކުރެއްވުން
- ކީރިތި ރަސޫލާ ﷺ ގެ ނަންފުޅުން މުޚާޠަބު ނުކުރެއްވުން
- ނަބީބޭކަލުންގެ ލިސްޓުގައި ކީރިތި ރަސޫލާ ﷺ ގެ ނަންފުޅު އެންމެ ފުރަތަމަ ގެންނެވުން
- ކީރިތި ރަސޫލާ ﷺ ގެ ނަންފުޅުން އެކަލޭގެފާނަށް ދެންނެވުން ނަހީކުރެއްވުން
- ކީރިތި ރަސޫލާ ﷺ ގެ އަޑުފުޅުގެ މައްޗަށް އަޑު އުފުލުން މަނާކުރެއްވުން
- ކީރިތި ރަސޫލާ ﷺ ނޫރެއް ކަމުގައި ލެއްވުން
- މިޢުރާޖު ދަތުރުފުޅުގައި ﷲ ސުބްޙަނަހޫ ވަ ތަޢާލާ އެއްވެސް ފަރާތެއް މެދުވެރި ނުކުރައްވާ ނަމާދު ފަރްޟު ކުރެއްވުން
- ކީރިތި ރަސޫލާ ﷺ އަށް ދެއްވި އިސްރާއާއި މިޢުރާޖު ދަތުރުފުޅު. މިފަދަ ދަތުރުފުޅެއް އެހެން ރަސޫލަކަށް ދެއްވައިފައެއް ނުވުން
- ކީރިތި ރަސޫލާ ﷺ ގެ މައްޗަށް ޞަލަވާތް ކިޔެވުން ފަރްޟު ކުރެއްވުން
- ﷲ ތަޢާލާ ކީރިތި ރަސޫލާ ﷺ އަށް ދެންނެވުނު ސުވާލުތަކަށް ޖަވާބުދެއްވުން
- ﷲ ޖައްލަ ޖަލާލުހޫ ކީރިތި ރަސޫލާ ﷺ އަށް ޓަކައި ހުވާބަސްފުޅު ވަޙީ ކުރެއްވުން
- ކީރިތި ރަސޫލާ ﷺ ގެ އިސްވެދިޔަހާ ފާފަތަކާއި ކުރިއަށް އޮތްހާ ފާފަތައް ފުއްސަވާ ދެއްވުން
- ކީރިތި ރަސޫލާ ﷺ ގެ ބައެއް ދުޢާފުޅުތަކަށް އިޖާބަދެއްވުން ޤިޔާމަތްދުވަހާ ހަމައަށް ފަސްކުރެއްވުން
- ކީރިތި ރަސޫލާ ﷺ އަށް جوامع الكلم ދެއްވުން. އެއީ އޭގައި ގިނަ މާނަތަކެއް ހިމެނޭ ބަސްފުޅުތައް މަދު ބަސްފުޅުތަކަކުން ޙަދީސްކުރެއްވުމުގެ ޤާބިލުކަން ދެއްވުން.
- ކީރިތި ރަސޫލާ ﷺ އަށް ދުނިޔޭގެ ޚަޒާނާތަކުގެ ތަޅުދަނޑިތައް ދެއްވުން
- ކީރިތި ރަސޫލާ ﷺ ގެ އަރިހުގައި އުޅުނު ޖިންނި އެކަލޭގެފާނަށް އީމާންވެ އިސްލާންވުން
- ކީރިތި ރަސޫލާ ﷺ ގެ ދުޝްމަނުންނަށް ބިރުދައްކަވައިގެން ނަޞްރުދެއްވުން
- ކީރިތި ރަސޫލާ ﷺ ގެ ރިސާލަތަށް މާތް ﷲ ހެކިވެވޮޑިގަތުން
- ކީރިތި ރަސޫލާ ﷺ ގެ ރިސާލަތަށް ﷲގެ މަލާއިކަތުން ހެކިކުރެއްވުން
- ކީރިތި ރަސޫލާ ﷺ ބައިތުލް މަޤްދިސްގައި ނަބީބޭކަލުންނާއެކު އިމާމުވެ ވަޑައިގެން ނަމާދު ކުރެއްވުން
- ކީރިތި ރަސޫލާ ﷺ ދުނިޔޭގައި އުޅުއްވި ސައްތަ އާދަމުގެ ދަރީންގެ އެންމެ ހެޔޮކަން ބޮޑު ސައްތަ ކަމުގައި ލެއްވުން
- ކީރިތި ރަސޫލާ ﷺ ގެ ގެކޮޅާއި މިންބަރުކޮޅާ ދެމެދުގައިވާ ތަން ސުވަރުގޭގެ ބަގީޗާތަކުން ބަގީޗާއެއް ކަމުގައި ލެއްވުން
- ކީރިތި ރަސޫލާ ﷺ އަށް ދެއްވި މުޢުޖިޒާތްތަކުގެ ތެރޭގައި ހަނދު އިރުއްވުން
- ކީރިތި ރަސޫލާ ﷺ އަށް އެކަލޭގެފާނުގެ ފުރަގަހުން އެއްޗެހި ފެނިވަޑައިގަތުން
- ކީރިތި ރަސޫލާ ﷺ އަށް ހުވަފެންފުޅުގައި ފެނިވަޑައިގަންނަވާ ކަންތައްތައް ޙަޤީޤަތް ކަމުގައި ލެއްވުން
- ކީރިތި ރަސޫލާ ﷺ ގެ ކުރީގެ ނަބީބޭކަލުންނާއި އެބޭކަލުންގެ ޤައުމުތަކުގެ ޙާލަތު މާތްﷲ ކީރިތި ރަސޫލާ ﷺ އަށް ދެއްކެވުން
- ކީރިތި ރަސޫލާ ﷺ ގެ ނަބީކަމުގެ ސިއްކަފުޅު ކީރިތި ރަސޫލާ ﷺ ދެ ބޮނބިފަޅިފުޅު ދެމެދުގައި ލެއްވުން
- މާތް ﷲ ކީރިތި ރަސޫލާ ﷺ އަށް ޣައިބުގައިވާ ބައެއް ކަންތައް ހާމަކޮށް ދެއްވުން
- ކީރިތި ރަސޫލާ ﷺ ގެ މުޢުޖިޒާތެއް ކަމުގައި ކީރިތި ޤުރްއާން ލެއްވުމާއި އެ ފޮތް އާޚިރަތާ ޖެހެންދެން ރައްކައުތެރިކޮށްދެއްވާނެކަން އެންގެވުމާއި އެ ފޮތުން އިންސީންނަށާއި ޖިންނީންނަށް ގޮންޖެއްސެވުން
މާތްﷲ ކީރިތި ރަސޫލާ ﷺ އަށް އާޚިރަތްދުވަހުން ދެއްވާނެ ބައެއް އިމްތިޔާޒުތައް
- ކީރިތި ރަސޫލާ ﷺ ހެކިވެރިއެއް ކަމުގައި ލެއްވުން
- ކީރިތި ރަސޫލާ ﷺ އަށް ޝަފާޢަތް ދެއްވުން
- ކީރިތި ރަސޫލާ ﷺ އަލުން ދިރުއްވާ އެންމެ ފުރަތަމަ މީހާ ކަމުގައިވުން
- ކީރިތި ރަސޫލާ ﷺ ނަބީބޭކަލުންގެ އިމާމު އަދި ޚަޠީބުކަމުގައި ލެއްވުން
- ކީރިތި ރަސޫލާ ﷺ ގެ ޚާއްޞަ ދިދަކޮޅުގެ ދަށުގައި ހުރިހާ ނަބީބޭކަލުން ލެއްވުން
- އެންމެ ފުރަތަމަ ޞިރާޠު މަގު ކަޑައްތުކުރާ މީހާ ކަމުގައި ކީރިތި ރަސޫލާ ﷺ ލެއްވުން
- ސުވަރުގޭގެ ދޮރުކޮޅުގައި އެންމެ ފުރަތަމަ ޓަކިދޭ މީހާ ކަމުގައި ކީރިތި ރަސޫލާ ﷺ ލެއްވުން
- އެންމެ ފުރަތަމަ ސުވަރުގެ ވަންނަ މީހާ ކަމުގައި ކީރިތި ރަސޫލާ ﷺ ވުން
- ވަސީލަތާއި[1] ފަޟީލަތް[2] ކީރިތި ރަސޫލާ ﷺ އަށް ދެއްވުން.
- ކީރިތި ރަސޫލާ ﷺ އަށް އަލްމަޤާމުލް މަޙްމޫދު ދެއްވުން. އެއީ އެންމެ މަތިވެރި ޝަފާޢަތެވެ. އެއީ މީސްތަކުންގެ ހިސާބު ބައްލަވައި ދެއްވުން އަވަސްކޮށްދެއްވުން އެދި މާތްﷲއަށް ދަންނަވާ ދެންނެވުމެވެ.
- ކީރިތި ރަސޫލާ ﷺ އަށް އަލްކައުޘަރު ނަމަކަށް ކިޔާ ފެން އާރު ދެއްވުން. މި އާރުން ފެން ބޯން ލިބޭ ކީރިތި ރަސޫލާ ﷺގެ އުއްމަތުގެ މީހުން މަޙްޝަރުގައި ތިބޭއިރު ފެންބޮވައިގަތުމުގެ އުނދަގުލާ ކުރިމަތިލާކަށް ނުޖެހޭނެއެވެ.
- ކީރިތި ރަސޫލާ ﷺ އަށް އަލްޙަމްދުގެ ދިދަ ލިބިވަޑައިގަތުން. މިއީ މާތްﷲއަށް ޙަމްދު ކުރެއްވުމަށް ޓަކައި ކީރިތި ރަސޫލާ ﷺއަށް ދެއްވާ ޚާއްޞަ މަޤާމެކެވެ.
- ﷲ ސުބްޙާނަހޫ ވަ ތަޢާލާ ޢަރްޝީގެ ކަނާތް ފަރާތުގައި ކީރިތި ރަސޫލާ ﷺ އަށް ޚާއްޞަ ގޮނޑިކޮޅެއް ލެއްވުން
- އެންމެ ގިނަ ބަޔަކު ތަބާވާ ނަބިއްޔާ ކަމުގައި ކީރިތި ރަސޫލާ ﷺ ވުން
- ޤިޔާމަތް ދުވަހުން ކީރިތި ރަސޫލާ ﷺ އެންމެ ފުރަތަމަ މީހުންނާއި އެންމެ ފަހު މީހުންގެ ސާހިބާ ކަމުގައި ލެއްވުން
- ކީރިތި ރަސޫލާ ﷺ އެންމެ ފުރަތަމަ ޝަފާޢަތްތެރިވެ ވަޑައިގަންނަވާ އަދި ޝަފާޢަތް ލެއްވެވޭ ބޭކަލަކު ކަމުގައި ވުން
- ނަބީބޭކަލުން ރައްކައުތެރިކަން ހޯއްދެވުމަށް ޓަކައި ކީރިތި ރަސޫލާ ﷺ ގެ އަރިހަށް ވަޑައިގަންނަވާ ދުވަހު މީސްތަކުންނަށް ހެޔޮ ޚަބަރު ދެއްވާ ކަލޭގެފާނު ކަމުގައިވުން
- ކީރިތި ރަސޫލާ ﷺ ޢަރްޝި ދޮށުގައި ސަޖިދައަށް އޮންނަވާ ވަގުތު އެކަލޭގެފާނަށް ހުޅުއްވާދެއްވާ ކަންތައްތައް އެހެން އެއްވެސް މީހަކަށް އޭގެ ކުރިން ވެސް އަދި އޭގެ ފަހުން ވެސް ހުޅުވާދެވުނު ކަމެއް ކަމުގައި ނުވުން
- ކީރިތި ރަސޫލާ ﷺގެ މިންބަރުކޮޅު އެކަލޭގެފާނުގެ ޙައުޟުކޮޅު މަތީގައި ލެއްވުން
ރަސޫލާގެ އުއްމަތަށް ދުނިޔެމަތީގައި ޚާއްޞަކޮށް ދެއްވި ކަންތައްތައް
- ކީރިތި ރަސޫލާ ﷺގެ އުއްމަތް އެންމެ ހެޔޮ އުއްމަތް ކަމުގައި ލެއްވުން
- ކީރިތި ރަސޫލާ ﷺގެ އުއްމަތުގެ މީހުންނަށް މުސްލިމުންގެ ނަންދެއްވުން
- ދީން ފުރިހަމަކޮށްދެއްވުމާއި އެ އުއްމަތަށް ނިޢުމަތު ފުރިހަމަކޮށް ދެއްވުން
- މާތް ﷲ މުސްލިމުންގެ ކިބައިން ދީނީ ބުރަތަކާއި، ކަސްތޮޅުތައް ނެތިކުރައްވައި، ލުއިކޮށް ދެއްވުން
- މުސްލިމުންގެ ފަހަތުގައި ޢީސާގެފާނު ނަމާދު ކުރެއްވުން
- ޣަނީމަ މުދާ ހުއްދަކޮށް ދެއްވުން
- މުސްލިމުންގެ ސަފުތައް މަލާއިކަތުންގެ ސަފުތަކާ އެއްވަރުކުރެއްވުން
- ބިމުން ތަޔައްމުމު ކުރެވޭނެ މަގު ތަނަވަސްކޮށް ދެއްވުން
- ބިމުގެ ކޮންމެ ތަނެއްގައި ނަމާދު ކުރުން ހުއްދަކޮށް ދެއްވުން
- ހުކުރު ދުވަސް ޚާއްޞަކޮށް ދެއްވުން
- ހުކުރު ދުވަހުގައި ދުޢާ އިޖާބަ ކުރައްވާ ވަގުތުކޮޅެއް ލެއްވުން
- ލައިލަތުލް ޤަދްރި ވިލޭރޭ ދެއްވުން
- މި ބިންމަތީގައި ﷲގެ ހެކިވެރީން ކަމުގައި މި އުއްމަތް ލެއްވުން
- ކުރީގެ ފޮތްތަކުގައި (ޚާޢްޞަކޮށް ތައުރާތާއި އިންޖީލުގައި) މި އުއްމަތުގެ މިސާލު ޖެއްސެވުން
- އިސްލާމީ އުއްމަތް ނައްތައިލައި ހަލާކުކޮށްލެވޭވަރުގެ ބަޔަކު އެމީހުންގެ މައްޗަށް ވެރިނުކުރުއްވުން
- ޢިޝާނަމާދު ޚާއްޞަކޮށް ދެއްވުން
- ހުރިހާ ނަބީބޭކަލުންނަށް އީމާންވާ ބަޔަކު ކަމުގައި މުސްލިމުން ލެއްވުން
- ޙައްޤު މަތީގައި ދެމިތިބޭނެ ބަޔަކު މި އުއްމަތުގެ ތެރެއިން ލެއްވުން
ރަސޫލާގެ އުއްމަތަށް އާޚިރަތްދުވަހުން ދެއްވާ އިމްތިޔާޒުތައް
- އެހެން ނަބީބޭކަލުންގެ އުއްމަތްތަކަށް ހެކިވާނެ ބަޔަކު ކަމުގައި ލެއްވުން
- އެންމެ ފުރަތަމަ ޞިރާޠު މަގު ހުރަސްކުރާނެ މީހުން ކަމުގައި ލެއްވުން
- އެންމެ ފުރަތަމަ ސުވަރުގެ ވަންނަ މީހުން ކަމުގައި ލެއްވުން. މުސްލިމުން ވަދެ ނިމެންދެން އެހެން އުއްމަތްތަކުގެ މީހުން ސުވަރުގެ ނުވައްދަވާނެތެވެ.
- ސުވަރުގޭގެ ކަނާތް ފަރާތުގެ ދޮރުކޮޅު ޚާއްޞަކޮށް ދެއްވުން
- އެންމެ ގިނައިން ސުވަރުގެ ވަންނަ އުއްމަތްކަމުގައިވުން
- ވުޟޫގެ ސަބަބުން މުސްލިމުންގެ މޫނާއި ދެ އަތް އަލިވެފައިވާ ބައެއް ކަމުގައިވުން
- މަދު ޢަމަލަށް ގިނަ ސަވާބު ދެއްވުން
- މުސްލިމުންގެ ސަބަބުން ކީރިތި ރަސޫލާ ﷺ އަށް ރުހިވަޑައިގަތުން ލިބުން
- ﷲއަށް އުރެދުނު މީހުން ފިޔަވާ އެހެން ހުރިހާ މުސްލިމުން ސުވަރުގެ ވެއްދެވުން
- އުއްމަތަށް ލައްވާ ޝަފާޢަތުގެ ބާވަތްތައް ގިނަވުން
- ކާފިރުން މުސްލިމުންނަށް ވުމަށް އެދުން
- ދުނިޔޭގައި އެންމެ ފަސްވިޔަސް ޤިޔާމަތްދުވަހުން އެންމެ އިސްވުން
- ހިސާބު ބެއްލެވުމެއްނެތި މުސްލިމުންގެ ގިނަ ބަޔަކު ސުވަރުގެ ވެއްދެވުން
- އެމީހުންގެ ޚާޢްޞަ ފާހަގައެއް ކަމުގައި އެމީހުންގެ ފައި ލެއްވުން
- ސުވަރުގޭގެ ބޮޑުން ކަމުގައި އިސްލާމީ އުއްމަތުގެ މީހުން ލެއްވުން
މަޞްދަރު: كتاب تذكير المسلمين باتباع سيد المرسلين صلّى الله عليه وسلم
މުއައްލިފު: ޢަބްދުﷲ ބިން ޖާރަﷲ
[1] – ވަސީލަތަކީ ސުވަރުގެއިން އެހެން އެއްވެސް މީހަކަށް ލިބުން އެކަށީގެން ނުވާ މަތިވެރި ދަރަޖަ
[2] – ފަޟީލަތަކީ މާތްކަމާއި މަތިވެރިކަން