ދިވެހިބަހުން ލިޔުމުގައި "ބޯދާގަޑި" މިއިން އަކުރެއް އަންނަ ކޮންމެ ތަނެއްގެ ކުރިއަށް ހުސް 'ނ' ގެނައުން ލާޒިމެއް ނޫނެވެ. 'ނ' ގެންނަން ޖެހެނީ 'ނ' ނެތުމުން އޮޅިދާނެ އެހެން ލަފްޒެއް އޮތިއްޔާއެވެ. އެއީ އަކުރުތަކާއި ފިލި އެއްގޮތް އެހެން ލަފުޒެކެވެ.

މިގޮތަށް ބަލާއިރު ހަތިޔާރެއްގެ ގޮތުގައިި ގެންގުޅޭ ކަނޑިއާއި ދޯނިފަހަރުގައި ހާކާ ކަޑި ތަފާތުކުރަން 'ނ' އެއް ބޭނުންވެއެވެ. ގޯތިތެރޭގައި އުޅޭ ބޮނޑާއި ކުއްޖަކު ވާ ބޮޑު ތަފާތު ކުރަން ވެސް 'ނ' ބޭނުންވެއެވެ. އުޑުގައި ހުންނަ ހަނދާއި އެއްޗެތި އަޅާ ހަދާ ތަފާތުކުރަން ވެސް 'ނ' ބޭނުން ވެއެވެ.

މިއާ ޚިލާފަށް ހުވަނދު، ތެލަނގަ، ކަނދި ފަދަ ބަސްބަހާ އޮޅޭނެ އެހެން ބަސްބަހެއް ނުހުރެއެވެ. ވީމާ އެއިން ބަހެއް ލިޔާއިރު 'ނ' ލާޒިމެއް ނޫނެވެ. މާތުރަ، 'ނ' ބޭނުންކުރުން ނުބައެއް ނޫނެވެ.

ރިފަރެންސް

ޢަލީ އަޙުމަދު، ހ. މާދޫގެ (1979) "ދިވެހިބަސް އޭގެ ޤަވާޢިދުތަކާއި ހަމަތަކުގެ މަތިން ލިއުއްވަމުން ގެންދަވާށެވެ،" ފަތްތޫރަ، އަދަދު 1، ޞ. 24

(ޢަލީ އަޙުމަދަކީ ތިކިތެޅި ތާނައިގެ ގިނަ އަކުރުތައް އުފެއްދެވި ބޭފުޅާއެވެ.)