އެމް.އެން.ޑީ.އެފްގެ ކާނަލް ރޭންކުގައި ތިއްބެވި ހަތަރު އޮފިސަރަކު ބްރިގޭޑިއަރ ޖެނެރަލް ރޭންކަށް މަޤާމުގެ ކުރިއެރުން ދީފިއެވެ.

ސިފައިންނަށް މަޤާމުގެ ކުރިއެރުން ދިނުމަށް މިއަދު ބަންޑާރަކޮށީގައި ބޭއްވި ރަސްމިއްޔާތުގައި މުޙައްމަދު ޝަރީފާއި އިސްމާޢީލް ޝަރީފާއި ޢަބްދުﷲ ޒުހުރީ އަދި ޢަބްދުލް މަތީން އަޙްމަދަށް ބްރިގޭޑިއަރ ޖެނެރަލް މަޤާމު ހަވާލުކޮށްދެއްވީ ރައީސުލްޖުމްހޫރިއްޔާ އަދި ސިފައިންގެ އެންމެމަތީ ވެރިޔާ އިބްރާހީމް މުޙައްމަދު ޞާލިޙެވެ. އަދި މި ހަތަރު އޮފިސަރުންނަށް މަޤާމުގެ ކުރިއެރުން ދެއްވިކަމުގެ ލިޔުން ހަވާލުކޮށްދެއްވީ ޑިފެންސް މިނިސްޓަރ މާރިއާ އަޙްމަދު ދީދީއެވެ.

މިއަދުގެ ރަސްމިއްޔާތުގައި ރައީސުލްޖުމްހޫރިއްޔާ އަދި ސިފައިންގެ އެންމެމަތީ ވެރިޔާ އިބްރާހީމް މުޙައްމަދު ޞާލިޙާއި، ޑިފެންސް މިނިސްޓަރ އަލްއުސްތާޛާ މާރިއާ އަޙްމަދު ދީދީ ވާހަކަފުޅު ދެއްކެވިއެވެ. ޝުކުރު ދެންނެވުމުގެ ގޮތުން ވާހަކަފުޅު ދެއްކެވީ ޗީފް އޮފް ޑިފެންސް ފޯސް މޭޖަރ ޖެނެރަލް ޢަބްދުﷲ ޝަމާލެވެ.

މިއަދުގެ ރަސްމިއްޔާތުގައި ސިފައިންގެ ޖެނެރަލް އޮފިސަރުންނާއި، ގިނަ އަދަދެއްގެ އޮފިސަރުން ބައިވެރިވިއެވެ.

Colonel rank gai thibbevi Mohamed Shareef, Ismail Shareef, Abdulla Zuhuree, Abdul Matheen Ahmed, Brigadier General ge magaamah badhalukuravvaifi. BK gai beyvvi rasmiyyaathu gai magaamu havaalukohdhevvee Raeesul Jumhooriyya @ibusolih. Magaamu ge liyun dhevvee Minister @MariyaDidi pic.twitter.com/RHkcdqkYOA

— Maldives National Defence Force (@MNDF_Official) January 25, 2021