ވެންޓިލޭޓަރުތަކުގެ މައްސަލާގައި ހެލްތް މިނިސްޓަރު އަބްދުﷲ އަމީންގެ މައްޗަށް އިތުބާރު އޮތް ކަމަށް އެމްޑީޕީ ޕާލިމަންޓްރީ ގްރޫޕު (ޕީޖީ) ގެ މެޖޯރިޓީ ވޯޓުން ނިންމާފައި ވަނިކޮށް، އަމީންގެ އިތުބާރު ނެތްކަމުގެ މައްސަލަ އެމްޑީޕީގެ ޕާލިމަންޓްރީ ގްރޫޕުގެ ބައެއް މެމްބަރުން ސޮއިކޮށް މަޖިލީހަށް ހުށަހަޅައިފިއެވެ.

އެމްޑީޕީ ޕީޖީ ގްރޫޕްގެ 24 މެމްބަރަކު ސޮއިކުރައްވާ އެ މައްސަލަ މަޖިލީހަށް މިއަދު ހަވީރުގެ ވަގުތެއްގައި ހުށަހަޅާފައި މިވަނީ އެ މައްސަލަ މަޖިލީހަށް ހުށަހެޅުމުގެ ކުރިން އަމީންގެ އިތުބާރު އޮތްތޯ ބެލުމަށް އެ ޕާޓީ ޕީޖީ ގްރޫޕްގެ މެމްބަރުންގެ ހިޔާލު ހޯދުމަށް ނެގި ވޯޓުގައި ބައިވެރިވި 58 މެމްބަރުންގެ ތެރެއިން 31 ވޯޓުން އަމީންގެ މައްޗަށް އިތުބާރު އޮތް ކަމަށް ފާސްކޮށްފައި ވަނިކޮށެވެ. އިތުބާރު ނެތް ކަމަށް 27 މެންބަރުން ވަނީ ވޯޓްދެއްވާފަ އެވެ.

އެމްޑީޕީގެ ޕީޖީ ގްރޫޕްގެ އެ ބައްދަލުވުމުގެ ތެރޭގައި ވެސް ބައެއް މެންބަރުން ވަނީ އަމީނާ ދެކޮޅަށް ހިތްހަމަނުޖެހުން ފާޅުކޮށް ވާހަކަ ދައްކަވާފަ އެވެ. އޭގެ ތެރޭގައި ގަލޮޅު އުތުރު ދާއިރާގެ މެމްބަރު އަދި މަޖިލިސްގެ ނައިބު ރައީސް އީވާ އަބްދުﷲ ހިމެނެއެވެ. އަދި އެމައްސަަލަ މަޖިލީހަށް ވެެއްދުމަށްފަހު ޕީޖީ ބައެއް މެމްބަރުން ދަނީ ވައްކަމާއި ހިޔާނާތާ ދެކޮޅަށް ތެދުވާނެ ކަމަށް ބުނަމުންނެވެ.

Ameen ge ithubaareh neh pic.twitter.com/bfuuNLKE96

— fisaarithedhu (@fisaarithedhu) October 20, 2020

ވެންޓިލޭޓަރުތަކެއް ހޯދުމުގައި ހެލްތް މިނިސްޓަރ އަބްދުﷲ އަމީންނާ އެކު އެ މިނިސްޓްރީގެ އިތުރު ބޭފުޅުންތަކެއްގެ މައްޗަށް ދައުވާކޮށްދިނުމަށް އެދި އެންޓި ކޮރަޕްޝަން ކޮމިޝަންއިން ޕްރޮސެކިއުޓާ ޖެނެރަލްގެ އޮފީހަށް ފޮނުވި މައްސަލަ ޕްރޮސެކިއުޓާ ޖެނެރަލް އޮފީހުން ވަނީ އަނބުރާ ފޮނުވާލާފަ އެވެ. އެ މައްސަލަ އަނބުރާ ފޮނުވާލެއްވީ އެ މައްސަލާގައި ކޯޓުގައި ދައުވާކުރެވޭ މިންވަރަށް ހެކި ހުށަހަޅާފައިނުވާތީ ކަމަށް ޕްރޮސެކިއުޓާ ޖެނެރަލް ހުސެއިން ޝަމީމް ވަނީ ވިދާޅުވެފަ އެވެ.

ހެލްތް މިނިސްޓަރ ޢަބްދުﷲ އަމީންގެ އިތުބާރު ނެތްކަމަށް އެމް.ޑީ.ޕީ. ގެ މި މެމްބަރުންނާއެކު ސޮއިކޮށް މަޖިލީހަށް ހުށަހަޅައިފި pic.twitter.com/nyTBj48MGE

— ???????????????????????????????? ???????????????????? (@Imthiyazfahmy) October 20, 2020

މި މައްސަލައިގައި ޕީ.ޖީ ގްރޫޕުގެ ވަޓްސްއަޕް ގްރޫޕުތެރޭގައި ވެސް ވަނީ ވަރަށް ފޯރިގަދަވެފައެވެ. އެ ގްރޫޕުގެ ޒުވާބެއްގެ ޗެޓްލޮގެއް ވެސް މީސްމީޑިއާގައި ދަނީ ދައުރުވަމުންނެވެ. އޭގައި ވާހަކަ ދައްކަވާފައި ހުރީ ރައީސް ސޯލިހަށް ވަފާތެރި އަލިފުށި ދާއިރާގެ މެމްބަރު މުހައްމަދު ރަޝީދު ހުސެއިން (ބިގޭ) އާއި މަޖިލިސްގެ ރައީސް ނަޝީދެވެ.

ކޮވިޑް-19 އާ ގުޅިގެން ދައުލަތުގެ ބަޖެޓުން 57 މިލިއަން ރުފިޔާ ޚަރަދުކޮށްގެން 30 ޖޫން 2020 ގެ ނިޔަލަށް 149 ވެންޓިލޭޓަރު ގަތުމަށް މިނިސްޓްރީ އޮފް ހެލްތުން ތިން ފަރާތަކާ ޙަވާލުކޮށްގެން ހިންގި މުއާމަލާތްތަކުގައި އޮޅުވާލުމާއި މަކަރު ހަދައިފައިވާ މައްސަލާގައި ހެލްތު މިނިސްޓަރު އަބްދުﷲ އަމީންގެ އިތުރުން ބިޑް ކޮމިޓީގެ 11 މެމްބަރުންގެ މައްޗަށް ދައުވާކޮށްދިނުމަށް އެދި އޭސީސީން ޕްރޮސެކިއުޓާ ޖެނެރަލްގެ އޮފީހަށް ވަނީ ހުށަހަޅާފަ އެވެ.