މިނިވަން ދުވަހުގެ މުނާސަބާގައި ރޭ ބޭއްވި ރަސްމީ ޖަލްސާގައި، ދައުލަތަށް ދިގު މުއްދަތަކަށް ހިދުމަތް ކުރެއްވި ބޭފުޅަކަށް ރައީސް ޑރ. މުހައްމަދު މުއިއްޒުގެ އަތްޕުޅުން ޝަރަފުގެ އިނާމު އެރުވި ހިނދު އެ ބޭފުޅާގެ އަތުން ދޫވެ، ދައުލަތުގެ ނިޝާން ވެއްޓެމުން ދިޔަ ވަގުތު އެ ނިޝާން ވެއްޓުނަނުދެއްވައި ފަޅިސިކުންތުކޮޅެއްގެ ތެރޭގައި ފިސާރަ ހުޝިޔާރުކަމާ އެކު ރައީސް މުއިއްޒު އެ ނިޝާން ހިއްޕެވިއެވެ. އަދި އަލުން އެ ޝަރަފު އެ ބޭފުޅާއަށް އެރުވި އެވެ.

ކުޑަ ހިނދުކޮޅެއްގެ ތެރޭގައި ރައީސް މުއިއްޒު، ވަރަށް ހަމަޖެހިލައިގެން ހުންނަވައި އެ ދެއްކެވި ހުޝިޔާރު ކަމަށްޓަކައި، އެތައް ބައެއްގެ ތައުރީފް މީސްމީޑިއާގެ އެކި މަންސަތަކުގައި ދަނީ އޮހެމުންނެވެ. ސޯޝަލް ސެންޓަރުގެ ހޯލްގައި ތިބި އެތައް ސަތޭކަ ބަޔެއްގެ އިތުރުން، ވަގުތުން ޓީވީން ބަލަމުންދިޔަ ގިނަ ބަޔަކަށް އެންމެ ހައިރާކަން ލިބުނީ އެ ކުއްލި ހިނދުކޮޅު ރައީސް މުއިއްޒުގެ މޫނުފުޅުމަތިން އެއްވެސް ހާސްކަމެއް، ކަންބޮޑުވުމެއް ފެނުމުގެ ބަދަލުގައި، ފެނިގެންދިޔަ "ކޫލް"ކަމާއި ހިނިތުންވުމެވެ. ދައުލަތުގެ ނިޝާން ބިމަށްވެއްޓުނަ ނުދެއްވާނެކަން ސާބިތުކޮށްދެއްވި އިތުބާރާއި ޔަގީންކަމެވެ.

ކުރީގެ މަޝްހޫރު ނޫސްވެރިޔާ ހޯރަފުށީ މުހައްމަދު ސަލީމް، އެ ހިނދުކޮޅުގެ ފޮޓޯތަކާއެކު އެފް.ބީގައި ކުރައްވައިފައިވާ ޕޯސްޓެއްގައި ވިދާޅުވެފައިވަނީ އޭނާއަކީ ރައީސް މުއިއްޒަށް ވޯޓް ދެއްވި ބޭފުޅެއް ނޫން ކަމަށާއި ނަމަވެސް އެ މަނިކުފާނުގެ ހުޝިޔާރުކަން ފެނި އިހުތިރާމް ކުރެވިއްޖެ ކަމަށެވެ.

ހަމަ އެގޮތަށް ވިލިމާލޭ ދާއިރާގެ ކުރީގެ މެމްބަރު އަހުމަދު ނިހާން އެކްސްގައި ވިދާޅުވެފައިވެ އެވެ.

"‏ފަޅިސިކުންތުން ގޮތެއް ނިންމާ އެއަށް ޢަމަލުކުރުމުގެ ޤާބިލްކަން ލިބެނީ ވަރަށް މަދު އިންސާނުންނަށެވެ. ހަނގުރާމަމަތީ މަތިންދާބޯޓު ދުއްވާ ޕައިލެޓުން ހިމެނޭހެން ހުރިހާބާވަތެއްގެ ވައިގެ އުދުހުންތަކުގެ ޕައިލެޓުންނަކީ ވެސް ފަޅިސިކުންތުން ގޮތެއް ނިންމުމުގެ ޤާބިލުކަން ލިބިފައިވާ މީހުންނަށް ވާންޖެހެއެވެ. ދިވެހިރާއްޖޭގެ ރައީސުލް ޖުމްހޫރިއްޔާ ‎@MMuizzu ރޭގައި ޢަމަލުކުރެއްވީ ފަޅިސިކުންތުގެ ހުށިޔާރު ކަމާ އެކުގައެވެ. ދިގު މުއްދަތެއްގައި ޤައުމަށް ޚިދުމަތް ކުރެއްވުމުގެ ޝަރަފުވެރި ކަމުގެ ހަނދާނީ އިނާމެއް ރޭގައި ލިބިވަޑައިގެންނެވި ބޭކަލަކާ އެ އިނާމު ހަވާލުކުރައްވި ވަގުތު އެ އިނާމު އެ ބޭކަލެއްގެ އަތުން ދޫވިއެވެ. ހުށިޔާރުކަމާއެކު ރައީސް ޑރ މުޢައްޒު އެ އިނާމު ސްޓޭޖްމައްޗަށް ވެއްޓުނަ ނުދީ ހިފެހެއްޓެވުމުގައި ކާމިޔާބު ހޯއްދެވިއެވެ. މިއީ އާދަޔާ ޚިލާފު ހުށިޔާރު ރައީސް އެއްކަމާ މެދު ޝައްކެއްނެތެެވެ."

ގައުމިއްޔަތަށް އެމަނިކުފާނު ދެއްވާ އިސްކަން ހާމަކޮށްދެއްވައި ރައީސް ރޭ ދެއްކެވި ވާހަކަފުޅުގައި ގައުމިއްޔަތު ދިރުވައި އާލާކުރުމަކީ އެމަނިކުފާނުގެ އެންމެ ބޮޑު އެއް ވައުދު ކަމުގައިވާއިރު އެ މާއްދާ ސްކޫލްތަކުގައި މިހާރު ކިޔަވައިދޭން ފަށައިފައިވާ ކަމަށާއި ގައުމީ ސަލާން މިހާރު ސްކޫލްތަކުގައި ކިޔާނެ ކަމަށް ވިދާޅުވި އެވެ.

"ގައުމީ ދިދަ ދެކެ ލޯބިވުމަކީ އަޅުގަނޑުމެން ކޮންމެ މީހެއްގެ ފަހުރަކަށްވާން ޖެހޭނެ. ބައެއް މީހުން މަލާމާތް ކުރިޔަސް، ދިވެހިވަންތަ ކަމުގެ ލޯބި ހުރި ކޮންމެ މީހަކަށް ވެސް ދިވެހި ދިދަ ފެނުނީމަ އުފާވެރިކަމާއި އެ އަންނަންޖެހޭ ގައުމިއްޔަތުގެ ލޯބީގެ އިހުސާސް އަންނަންވާނެ،" ރައީސް މުއިއްޒު ވިދާޅުވި އެވެ.

ސައްބީސް ޖުލައި 2024 ވަނަ ދުވަހުގެރޭ ދިވެހިރާއްޖޭގެ 59 ވަނަ މިނިވަންދުވަހުގެ މުނާސަބަތުގައި ބޭއްވި ރަސްމީ ޖަލްސާ ތަފާތެވެ. މި ޖަލްސާގެ މިވަގުތުކޮޅަށް މުޅި ޤައުމުގެ ސަމާލުކަން ލިބިއްޖެއެވެ. ސަބަބެއްނެތިއެއް ނޫނެވެ. ރައީސް އެއްގެ ހުސިޔާރުކަން ފެނިގެންދިޔަ މިފަދަ ފުރަތަމަ… pic.twitter.com/kJd85eUiDI

— Mariyam Shiuna (@shiuna_m) July 27, 2024