ކުރީގެ ޗީފް އޮފް ޑިފެންސް ފޯސް މޭޖަރ ޖެނެރަލް މޫސާ އަލީ ޖަލީލާ ދިމާލަށް އެއްވެސް މީހަކަށް "ބާޣީ" އޭ ނުގޮވޭނެ ކަމަށާއި "އެއްވެސް ބަޣާވާތެއްގައި ބައިވެރިވެފައިނުވާނެ" ކަމަށާއި ކޯޓަކަށް ހުށަހަޅައިފި ނަމަ އެކަން ސާބިތުކޮށްދެއްވާނެ ކަމުގައި ޖެނެރަލް ޖަލީލް ވިދާޅުވެއްޖެއެެވެ.
ޗީފް އޮފް ޑިފެންސް ފޯސްގެ މަގާމަށް ޖެނެރަލް ޖަލީލް އަައްޔަންކުރެއްވީ މުހައްމަދު ނަޝީދު ރައީސުލްޖުމްހޫރިއްޔާ ކަމަށް ވަޑައިގަތުމަށްފަހު 18 ނޮވެމްބަރު 2008 ގައެވެ. ތިން އަހަރު ނުވަނީސް ރައީސުލްޖުމްހޫރިއްޔާ ކަމުން ނަޝީދު އިސްތިއުފާ ދެއްވަން މެދުވެރިވި ހަމަނުޖެހުންތައް ހިނގައިދިޔަ 7 ފެބްރުއަރީ 2012 ގައި ވެސް އެންމެ އަރިހުގައި ޖަލީލް ހުންނެވިތަން ފޮޓޯއާއި ވީޑިއޯތަކުން ފެނެއެވެ.
"ދިވެހި ރާއްޖެއަކީ ހިޔާލު ފާޅުކުރުމުގެ މިނިވަންކަން ލިބިފައިވާ ޑިމޮކްރެޓިކް ނިޒާމެއް އޮންނަ ގައުމެއް. އަޅުގަނޑު ހުރިހާ ބޭފުޅުންނަށްވެސް އިހުތިރާމްކުރަން. ނަމަވެސް އަޅުގަނޑާ ދިމާލަށް ބާޣީއޭ ގޮވުމަކަށް އެއްބަހެއްނޫން. އެކަމާ މެދު އެއްވެސް ކަހަލަ ޝައްކެތް އޮތް ކަމަށް ވާނަމަ ތިބޭފުޅުންގެ ލީޑަރު ކައިރިން އައްސަވާ، ނުވަތަ ކޯޓަށް މައްސަލަ ހުށަހަޅުއްވައިގެން ސޫކުރައްވާ. އެއްވެސް އިރެއްގައި ބަޣާވާތެއްގައި ބައިވެރިވެފައިނުވާކަން އަޅުގަނޑު ސާބިތުކޮށްދޭނަން،" ޖަލީލް މިއަދު ކުރެއްވި ޓްވީޓެއްގައި ވިދާޅުވިއެވެ.
I do witness that Major General (Retired) Moosa Ali Jaleel Chief of defence force during the first democratically elected government of Maldives have no involvement of the downfall (we stated a coup) of Mohamed Nasheed’s (MDP) government.
Yes! a few of the military generals 1/2
— Shuaib Ali 🇲🇻 (@ShuaibMaldives) September 5, 2020
ރައީސް ނަޝީދު އިސްތިއުފާ ދެއްވުމުން ޑރ. މުހައްމަދު ވަހީދު ރައީސުލްޖުމްހޫރިއްޔާ ކަމަށް ވަޑައިގެން، ޗީފް އޮފް ޑިފެންސް ފޯސްގެ މަގާމުން ޖެނެރަލް ޖަލީލް ވަކިކުރެއްވިއެވެ. ނަމަވެސް، އޭގެ ފަހުން އައި ރައީސް އަބްދުﷲ ޔާމީން އަބްދުލްގައްޔޫމުގެ ސަރުކާރުގެ ވަކި ހިސާބަކުން ޑިފެންސް މިނިސްޓަރުކަމުގެ މަގާމު ޖެނެރަލް ޖަލީލް އަދާކުރެއްވިއެވެ.
One Response
Baageeye govanee bayaku hithaereema jaleel kahala Qaumee batholun maduvaane kanbodu ve nulavaa theemiqaumu fahurverivaa dhariye