އިޒްރޭލުން އީރާނާ ދެކޮޅަށް ހިންގި އުދުވާނީ ޙަމަލާތައް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވަރަށް ހަރުކަށި އިބާރާތުން ކުށްވެރިކުރައްވައި، މި ހަމަލާތަކަކީ ބައިނަލްއަޤްވާމީ ޤާނޫނާއި ވަރަށް ބޮޑަށް ޚިލާފު ޢަމަލެއްކަން ފާހަގަކުރައްވައިފިއެވެ.
މެދުއިރުމަތީގެ ނުތަނަވަސްކަން އިތުރުވަމުންދާ މި ދަނޑިވަޅުގައި، ރައީސުލްޖުމްހޫރިއްޔާ މިހެން ވިދާޅުވީ އެ މަނިކުފާނުގެ"އެކްސް" އެކައުންޓްގައި ޕޯސްޓު ކުރެއްވި މެސެޖެއްގައެވެ.
މެދުއިރުމަތީގެ ނުތަނަވަސްކަން ކުޑަކުރުމުގެ މުހިންމުކަން ފާހަގަކުރައްވައި ރައީސުލްޖުމްހޫރިއްޔާގެ މެސެޖުގައި، މިކަމުގައި ބައިނަލްއަޤްވާމީ މުޖުތަމަޢުން އަވަސް ފިޔަވަޅުތަކެއް އެޅުމަށް އިލްތިމާސްކުރެއްވިއެވެ.
ރައީސުލްޖުމްހޫރިއްޔާގެ މެސެޖުގައި، މިފަދަ ޙަމަލާތައް ތަކުރާރުވުމަކީ، ހަމައެކަނި އީރާނަށް އޮތް ބިރެއް ނޫން ކަމަށާއި، އަވަށްޓެރި ޤައުމުތަކަށާއި، ބައިނަލްއަޤްވާމީ މުޖުތަމަޢަށްވެސް އޭގެ ނޭދެވޭ އަސަރުތައް ކުރާނެ ކަމުގައި އެ މަނިކުފާނު ފާހަގަކުރެއްވިއެވެ.
advertisment
