ކޮވިޑް19 އަށް ދަރުމަވަންތަ ހޮސްޕިޓަލްގައި ފަރުވާ ހޯއްދަވަމުން ގެންދަވާ ކުރީގެ ރައީސް މައުމޫން އަބްދުލްގައްޔޫމު، ތުރުކުރައްވައިގެން އޮންނެވި މާޖެހި ޕިޖާމާ އަކީ، އަނބިކަނބަލުން ނަސްރީނާ އިބްރާޙިމްގެ ހެދުންކޮޅެއް ކަމަށް ބުނެ، ސޯޝަލް މީޑިއާގައި ޖޯކު ޖެހި މީހަކަށް، ރައީސް މައުމޫން އެކަން ސާފުކޮށްދެއްވައިފި އެވެ.
ޓްވީޓަރގައި ޒީނަތު ނޫރައްދީން ބުނެފައި ވަނީ ލޯތްބަކީ އިމެއް ނެތް އެއްޗެއް ކަމަށާއި އަނބިކަނބަލުން ނަސްރީނާއާ ވަކިން އޮންނަވަން ރައީސް މައުމޫން ބޭނުންފުޅުނުވާ ކަަމަށެވެ. އެހެންވެ ކޮވިޑަށް ފަރުވާ ހޯއްދަވަމުން ގެންދަވާއިރު އާއިލާަގެ ބޭފުޅުންނަށް އަރިހުގައި ނުތިއްބެވޭނެތީ، އާއިލާއާ އެކުގައި ވުމަށްޓަކައި ނަސްރީނާގެ ހެދުންކޮޅެއް ތުރުކުރެއްވީ ކަމަށެވެ. އެއީ އަނބިކަނބަލުންނަށް އޮތް ލޯބީގެ ފުރިހަމަ ނިޝާނެއް ކަމަށް ވެސް އޭނާ ބުނެފައިވެއެވެ.
Thank you Zeenath for the beautiful words, but in that pic I am seen wearing one of my own pajamas. A flowery one. https://t.co/5TgWeEKbQ7
— Maumoon Abdul Gayoom (@maumoonagayoom) September 2, 2020
އެ ޓްވީޓަށް ރައްދު ދެއްވައި ރައީސް މައުމޫން ވިދާޅުވީ ޒީނަތުގެ ރީތި ބަސްތަކަށް ޝުކުރު އަދާކުރައްވާ ކަމަށާއި އެކަމަކު އެ ފޮޓޯއިން އެ ފެންނަނީ އަމިއްލަފުޅު ޕިޖާމާއެއް ކަމަށާއި، އެއީ މާޖެހި ޕިޖާމާއެއް ކަމަށެވެ.
ރައީސް މައުމޫންގެ އެ ފޮޓޯއަކީ ކޮވިޑް19 ގައި އެ މަނިކުފާނު ދަރުމަވަންތަ ހޮސްޕިޓަލްގައި ހުސްވި އޯގަސްޓް 25 ވަނަ ދުވަހުގެ ރޭ އެޑްމިޓްކުރުމުން، ހަމައެކަނި "އަދިވެސް" އަށް ލިބިފައިވާ ފޮޓޯއެކެވެ.
Nice talking to you while being away in isolation. I’m well looked after by the wonderful staff here. With the grace of Allah I’m recovering well. Insha Allah I will be with you and family soon. pic.twitter.com/bkixM9Z7SR
— Maumoon Abdul Gayoom (@maumoonagayoom) August 31, 2020
ރައީސް މައުމޫން މިއަދު ވިދާޅުވީ އެ މަނިކުފާނުގެ ހާލުކޮޅު ވަރަށް ރަނގަޅު ކަމަށެވެ.