މާފަންނުކޮޅުގައި ހަދަމުންދާ ގެއަކުން ސޭފްޓީ ދަލަކާއި މާކަރީ ލައިޓެއް ވަގަށް ނަގައިފައިވާ މައްސަލައާ ގުޅިގެން ދެ މީހަކު ހޯދަން އެ މީހުންގެ ފޮޓޯ އާއި ވީޑިއޯ ފުލުހުން އާންމުކޮށްފިއެވެ.
ފުލުހުން ބުނީ ވީޑިއޯއިން އެ ފެންނަ ދެ މީހުންނަކީ މި އަހަރުގެ ފެބްރުއަރީ 20 ވަނަ ދުވަހުގެ މެންދުރު ގަޑީގައި، މ. ނައިންހައުސް އިން ސޭފްޓީ ދަލަކާއި މާކަރީ ލައިޓެއް ވަގަށް ނަގާފައިވާ މައްސަލައާ ގުޅިގެން ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ކުރަމުންދާ ތަހުގީގަށް ހޯދަމުންދާ ދެ މީހުން ކަމަށެވެ.
ސީސީޓީވީގެ އެ ވީޑިއޯ އިން ފެންނަ ގޮތުގައި ބިދޭސީން ކަމަށް ބެލެވޭ އެ ދެ މީހުން، މާސްކު އަޅައިގެން، ދެ އަތް ފުރަގަހަށް ލައިގެން ތިބެ އެ ގޭތެރެއަށް މަޑުމަޑުން ވަދެގެން، ސިޑިން އަރާތަން ފެނެއެވެ.
"ވީމާ މި ދެ މީހުންނާބެހޭ އެއްވެސް މަޢުލޫމާތެއް ލިބިފައިވާނަމަ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަމްބަރު 9631696 އަށް ގުޅުއްވައި މި މައްސަލައިގެ އިންސިޑެންޓް ނަންބަރު 479616 ވިދާޅުވެ، އެ މައުލޫމާތެއް ހިއްސާކުރެއްވުން އެދެމެވެ." ފުލުހުންގެ ވެބްސައިޓުގައިވެއެވެ.
advertisment
