ރައްޔިތުންގެ މަޖިލިސްގެ ރައީސް މުހައްމަދު ނަޝީދަށް ރޭ ދިން ހަމަލާގައި ލިބިވަޑައިގަތް ޒަޚަމްތަކާ ގުޅިގެން އިތުރު އޮޕަރޭޝަންތަކެއް ކުރަންޖެހޭ ކަމަށާއި ކަމުގެ މާހިރުންގެ ޓީމަކުން އެކަން ކުރިއަށްގެންދާ ކަމުގައި އޭ.ޑީ.ކޭ ހޮސްޕިޓަލުން ބުނެފިއެވެ.

During ongoing assessment of injuries , need for further surgeries identified. Specialist teams are proceeding with the required essential surgeries.

— ADK Hospital (@ADKHospital) May 6, 2021

އޭ.ޑީ.ކޭ ހޮސްޕިޓަލުން ބުނީ ގިނަ ޒަޚަމްތަކަކާއެކު ރައީސް ނަޝީދު ހޮސްޕިޓަލަށް ގެންދިޔައީ ރޭ 8.30 ގައި ކަމަށާއި މަލްޓި ސްޕެޝަލިޓީ ޑޮކްޓަރުންގެ ޓީމަކުން ވަގުތުން ހަރަކާތްތެރިވާން ފަށައިފައިވާ ކަމަށެވެ. އަދި ރައީސް ނަޝީދުގެ ހާލުކޮޅު ސީރިއަސް ނޫން ކަމަށެވެ.

ރޭގެ މި ހަމަލާގެ ސަބަބުން ރައީސް ނަޝީދުގެ ހަށިކޮޅުގައި ވަރަށް ގިނަ ޒަޚަމްތައް ހުރި ކަމަށް މައުލޫމާތު ލިބެއެވެ. ޒަހަމްތައް ސާފުކޮށް ބައެއް ޒަހަމްތައް ފަހައިފައިވާ ކަމަށް ވެސް މައުލޫމާތު ލިބެއެވެ. ޒަހަމްތައް ގިނަކަމުން ނަޝީދަށް ފަރުވާ ދެނީ ހޭނައްތައިގެން ކަމަށް ވެސް މައުލޫމާތު ލިބެއެވެ. މި ހަމަލާގައި ނަޝީދުގެ އެތެރެހައްޓަށް ސީރިއަސް ގެއްލުމެއް ވެފައިނުވާ ކަމަށާއި އަދި ހޭނެއްތުމުގެ ކުރިން ރަނގަޅަށް ހަރަކާތްތެރިވެވަޑައިގެންނެވި ކަމަށް ވެސް މައުލޫމާތު ލިބެއެވެ.