"އަޅުގަނޑަށް އިބްރާހީމް ފުޅު ފުރަތަމަ ފެނުނީ އަޅުގަނޑުގެ ވަރަށް ހަގު އުމުރެއްގައި ތުޅާދޫންނެވެ. އޭރު އޭނާއަކީ ރަށުގެ މާ މިސްކިތު އިމާމުގެ އިތުރަށް މަދަރުސާގެ އިސް މުދައްރިސެކެވެ. ރަށުގެ ކުދިބޮޑު އެންމެން ނިހާޔަތަށް ޤަދަރުކުރާ ޝަޚްޞިއްޔަތެކެވެ. އޭނާ މަގެއްގެމަތީން ހިންގަވާފައި ވަޑައިގަންނަވަނިކޮށް ކުރިކަނޑާ ދިޔުމެއް އަޑުވީއްލައި އެއްޗެއް ބުނުމެއް ނޯވެއެވެ. ޚާއްޞަކޮށް އޭރުގެ ދަރިވަރުންނާއި އަންހެނުންގެ ކިބައިން މި ހިމޭންކަން އެތައް ފަހަރަކު ދުށީމެވެ." މަޝްހޫރު ލިއުންތެރިޔާ އާދަމް ނަސީރު އިބްރާހިމް އޭނާގެ ފޭސްބުކްގައި ލިއުއްވައިފައިއެވެ.
ބ. ތުޅާދޫ ސުކޫލަށް 40 އަަހަރަށްވުރެ ދިގު މުއްދަތަކަށް ހިދުމަތް ކޮށްދެއްވާފައިވާ އާދަޔާޚިލާފު މި ޝަަހުސިއްޔަތު ރޭގެ ވަގުތެއްގައި ވަނީ އަވަހާރަވެފައެވެ. އަވަހާރަވީ ބޮޑު ބައްޔަކަށް ފަރުވާ ހޯއްދަވަމުން ގެންދަވަނިކޮށް ކަމަށް އާއިލާގެ ފަރާތުން މައުލޫމާތު ލިބެއެވެ.
ޖަނާޒާ އޮންނާނީ މިއަދު މެންދުރު ނަމާދަށްފަހު އާސަހަރާ މިސްކިތުގައެވެ.
ބ. ތުޅާދުއަށް އުފަން، އުމުރުން 75 އަހަރުގެ އިބްރާހިމް ހުސައިންފުޅަކީ މިހާރު އިނގިރޭސިވިލާތުގައި ހުންނެވި ކުރީގެ ޓްރާންސްޕޯޓް މިނިސްޓަރު އަދި ޖުމްހޫރީ ޕާޓީގެ ނާއިބް ލީޑަރު އަމީން އިބްރާހިމާއި މަޝްހޫރު ލިޔުންތެެރިޔާ އަދި ދިވެހި ބަހުން ޕީ.އެޗް.ޑީ އަށް ކިޔަވައިވިދާޅުވަމުން ގެންދަވާ އަންވަރު އިބްރާހިމާއި ގައުމީ ފުޓްބޯޅަ ޓީމުގެ ކުޅުންތެރިޔާ އަންސާރު އިބްރާހިމްގެ ލޮބުވެތި ބައްޕައެވެ.
އަޅުގަނޑުގެ ލޮބުވެތި ބައްޕަ އިބްރާހީމް ޙުސައިން ފުޅު ދާދިދެންމެއަކު ވަނީ ނިޔާވެފައެވެ. ކީރިތި الله ބައްޕަގެ ފާފަ ފުއްސަވައި ބައްޕައަށް ސުވަރުގޭގެ އެންމެ މަތިވެރި ދަރަޖަ ދެއްވާށި! ބައްޕައަށް ފަރުވާދެއްވައި އެހީތެރިވެ، ދުޢާކޮށްދެއްވި އެންމެ ބޭފުޅުންނަށް ހެޔޮ ޖަޒާ ދެއްވާށި! އާމީން pic.twitter.com/SZLL9wtjZB
— Ameen Ibrahim (@ameenmaldives) November 22, 2020
Alhuganduge Lobuvethi Bappa, dhaadhi dhenmeaku vany Niyaavefa. Bappage faafa fussavaa, saabithukan dhevva, Thanavas rahumathuga, Jannathuge Enme mathee maqaam dhevvaashi! Heyo dhuaa kohdhevvi, Faruvaa dhevvi, eheetheri vedhevvi faraaithakah heyo ajuru dhevvaashi! Aameen! pic.twitter.com/KAS6lBHrhd
— Ansar (@an5ore) November 22, 2020
އިބްރާހިމް ހުސައިންފުޅު ވަނީ ތުޅާދޫ ސުކޫލް ހިންގެވުމުގައި އިސް ދައުރެއް، ގިނަ ދުވަސްތަކެއް ވަންދެން އަދާކުރައްވައިފައެވެ. ހިސާބާއި ގުރުއާން އަދި އިސްލާމާއި ދިވެހި ބަސްވެސް އޭނާ ވަނީ ކިޔަވައިދެއްވައިފައެވެ. އަދި ތުޅާދޫގެ ކަތީބުކަން ވެސް ކުރެއްވިއެވެ.
އިބްރާހިމް ހުސައިންފުޅު ވަނީ ވަރަށް ދިގު މުއްދަތަކަށް ގުރުއާން ކިލާހެއް ވެސް ރަށުގައި ހިންގަވައިފައެވެ. އެ ކިލާސް ހިންގެވީ އިބްރާހިމް ހުސައިންފުޅުގެ ގެ، "މަންޒިލް" ގައެވެ. އެ ކިލާހުން އެ ރަށުގެ ވަރަށް ގިނަ ކުދިންނަށް ގުރުއާން ކިޔަވައިދެއްވާފައިވެއެވެ.
އާދަމް ނަޞީރު އިބްރާހީމްގެ ތައުޒިޔާގެ ލިއުންކޮޅު ނިންމަވާލައްވަމުން ވިދާޅުވެފައި ވެއެވެ.
"އިބްރާހީމްފުޅުގެ ކިބައިން އަބަދު ވެސް ފެންނަނީ ދީންވެރި މަޑުމައިތިރި މިޒާޖެވެ. މުރާލިކަމާއި ކަމަށް ކަމޭހިތްތެވުމެވެ. އަދަބުވެރިކަމަށް ލޯބިކުރެއްވުމެވެ. ނިކަންހަރުދަނާ ނަމޫނާ މުރައްބީއެކެވެ. އޯގާވަންތަ ﷲ ސުވަރުގޭގެ މަތިވެރި ނިޢުމަތުގައި ހެޔޮ ރަޙްމަތުގައި އޭނާގެ ފުރާނަ ލައްވާށިއެވެ."
One Response
إِنَّا لِلّهِ وَإِنَّـا إِلَيْهِ رَاجِعونَ