ކޮވިޑް19ގެ ޕްރޮންޓްލައިންގައި މަސައްކަތްކުރާ 220 މީހަކަށް 2.9 މިލިއަން ރުފިޔާ ދީފި އެވެ.
މިނިސްޓްރީ އޮފް ފިނޭންސުން ކުރި ޓްވީޓެއްގައި ބުނީ ފްރޮންޓްލައިންގައި މަސައްކަތްކުރާ ފަރާތްތަކަށް ހާއްސަ އިނާޔަތް ދޭން ފެށީ އިއްޔެ ކަމަށާއި މި ފަހަރު ދޫކުރީ މި އަހަރުގެ މާޗް 7 ވަނަ ދުވަހުން ފެށިގެން ޖޫންގެ ނިޔަލަށް ދޭންޖެހޭ ފައިސާ ކަމަށެވެ.
"އިތުރު ފަރާތްތަކަށް ފައިސާ ދޫކުރުމުގެ މަސައްކަތް ވެސް ވަރަށް ހަލުވިކަމާ އެކު ކުރިއަށް އެބަދޭ. އެގޮތުން ޑޭޓާ ވެރިފިކޭޝަން އާއި އެޕްރޫވަލްގެ މަސައްކަތްތައް މިހާރު ދަނީ ކުރަމުން. މި މަސައްކަތްތައް ނިމުނުހާ އަވަހަކަށް އިތުރު ފަރާތްތަކަށް ހާއްސަ އެލަވަންސްގެ ފައިސާ ލިބިގެންދާނެ،" ފިނޭންސް މިނިސްޓްރީގެ ޓްވީޓުގައި ބުންޏެވެެ.
ކޮވިޑް19 އާ ގުޅިގެން ފްރޮންޓްލައިންގައި މަސައްކަތްކުރާ މުވަައްޒަފުންނަށް ހާއްސަ އެލަވަންސެއް ދޭން ސަރުކާރުން ނިންމާފައި ވަނީ ތިން ކެޓަގަރީއަކަށް ބަހާލައިގެންނެވެ.