ނިރުބަވެރި ޙަމަލާއެއްގައި އީރާނުގެ މަޝްހޫރު ނިޔުކްލިއަރ ސައެންޓިސްޓެއް ކަމުގައިވާ މުޙްސިން ފަޚްރީ ޒާދާ އިއްޔެ އަވަހާރަކޮށްލި ޚަބަރަކީ ދުނިޔެއަށް ސިހުން ލިބުނު ވަރަށް "ނުތަނަވަސް" ޚަބަރެކެވެ. އިރާނުގެ ޢަސްކަރީ ބާރުތަކުގެ މައި މަރްކަޒުން ނެރުނު ބަޔާނެއް ހާމަކުރި ގޮތުގައި އޭނާގެ ފުރާނަފުޅު ސަލާމަތް ކުރެވޭތޯ ޑަކްޓަރުން ވަރަށް މަސައްކަތް ކުރިއެވެ.
Photos from the scene where Iranian scientist #MohsenFakhrizadeh was assassinated today on Friday. #Iran pic.twitter.com/8OhBIDZ6SP
— Abas Aslani (@AbasAslani) November 27, 2020
ޑރ. މުޙްސިން ފަޚްރީ ޒާދާއަކީ ކޮންބޭފުޅެއް؟
ޑރ. މުޙްސިން ފަޚްރީ ޒާދާއަކީ މަޝްހޫރު ނިޔުކްލިއަރ ސައެންޓިސްޓެކެވެ. އޭނާ އަވަހާރަވީ ވެރިރަށް ޠަހަރާނާ ކައިރީގައި އޮންނަ ދަމާވަންދު ސަހަރުގައެވެ. ޑރ. މުޙްސިން ޒާދާ އަވަހާރަވީ އޭނާގެ ކާރުކޮޅުގެ ކުރިމަތީގައި ކާރުބޮމެއް ގޮއްވައިލުމަށްފަހު ދިން ބަޑީގެ ޙަމަލާއެއްގައެވެ. ޑރ. މުޙްސިނު ޒާދާއަށް ޙަމަލާދިން ނިރުބަވެރީންނާ އޭނާގެ ހަށިފާރަވެރިން ކުރިމަތިލައި ޙަމަލާތައް ބަދަލުކުރިއެވެ. ނިރުބަވެރީންގެ ތެރެއިން ތިން ހަތަރު މީހުން މަރުވި ކަމަށް ފާރިސް ނޫސް އޭޖެންސީ ބުންޏެވެ.
ޕްރޮފެސަރ މުޙްސިން ފަޚްރީ ޒާދާއަކީ އީރާނުގެ ދިފާޢީ ވުޒާރާގެ ދިރާސާކުރުމާ ތަރައްޤީ ކުރުމުގެ މަސްއޫލިއްޔަތާ ހަވާލުވެފައިވާ މަރްކަޒުގެ ރައީސެވެ. ޕްރޮފެސަރ ޒާދާއަކީ އީރާނުގައި ނިޔުކްލިއަރ ހަތިޔާރު އުފެއްދުމުގެ ޕްރޮގްރާމުގައި އިސްވެ ޙަރަކާތްތެރިވެވަޑައިގަންފައިވާ ބޭފުޅެކެވެ. އީރާނުގެ އިންޤިލާބީ ހަށިފާރަވެރީންގެ ލަޝްކަރުގެ ވެރިޔާ ޖެނެރަލް ޙުސައިން ސަލާމީ ވިދާޅުވި ގޮތުގައި އީރާނުގެ ސައެންޓިސްޓުން އަވަހާރަކޮށްލައި ނައްތައިލުމަށްޓަކައި އެމެރިކާއާއި އިސްރާއީލު ގުޅިގެން ހުއްޓާނުލައި ދަނީ މަސައްކަތް ކުރަމުންނެވެ. އޭނާ ވިދާޅުވި ގޮތުގައި ޒަމާނީ ސައެންސްގެ ރޮނގުގައި އީރާނު ކުރިއެރިއަ ނުދިނުމަށްޓަކައި އެ ދެ ޤައުމުން ކުރަމުންދާ މަސައްކަތް ކާމިޔާބެއް ނުވާނެއެވެ.
Saturday front pages of two leading hardline newspapers on #MohsenFakhrizadeh assassination:
Kayhan: Eye for an Eye; Israelis Must Prepare Themselves
Vatan-e Emrooz: If We Don’t Hit Them, They Hit Us pic.twitter.com/aPR1a0Ho9k
— Reza Khaasteh (@Reza_Khaasteh) November 27, 2020
އީރާނުގެ ސައންޓިސްޓުން އަވަހާރަކޮށްލުމުގެ މަސައްކަތް
ދެހާސް ދިހަ ވަނަ އަހަރާއި 2012 ވަނަ އަހަރަ ދެމެދުގައި އީރާނުގެ ހަތަރު ސައެންޓިސްޓަކު ވަނީ އަވަހާރަކޮށްލައިފައެވެ. އެއީ މަސްޢޫދު ޢަލީ މުޙައްމަދާއި، މާޖިދު ޝަހްރިއާރީ އާއި، ދާރިއޫޝް ރިޒާ އާއި، މުޞްޠަފާ އަޙްމަދީ ރޯޝަން އެވެ. މީގެ ތެރެއިން ދެ ބޭފުޅަކު އަވަހާރަކޮށްލައިފައި ވަނީ އެ ބޭފުޅުންގެ ކާރުކޮޅުތަކުގައި ހަރުކުރި ދަގަތްފާނަ ބޮންތަކެއް ގޮއްވައިލައިގެންނެވެ. ދާރިއޫޝް ރިޒާ އަވަހާރަކޮށްލައިފައިވަނީ އޭނާގެ ގައިކޮޅަށް ބަޑި ޖަހައިގެންނެވެ. މަސްޢޫދު ޢަލީ މުޙައްމަދީ އަވަހާރަކޮށްލައިފައި ވަނީ މޮޓޯސައިކަލް ބޮމަކުންނެވެ. އިރާނުން ވަނީ މި ޙަމަލާތައް ދިނުމުގައި ބައިވެރިވި އެތައް ބަޔަކު ހައްޔަރުކޮށްފައެވެ. އީރާނުން ތުހްމަތު ކުރާ ގޮތުގައި މި މީހުންނަކީ އިސްރާއީލުގެ ޖާސޫސީ އިދާރާ (މޯސާދު) ގެ އޭޖެންޓުންނެވެ. ހުޅަނގުގެ ޖާސޫސީ އިދާރާތަކުންނާއި އެމެރިކާގެ މަސްއޫލުވެރީން ވަނީ މި ނިރުބަވެރި ޢަމަލުތަކާ އިސްރާއީލާ ގުޅުމެއް އޮތްކަމަށް ވިދާޅުވެފައެވެ. ދެހާސް ބާރަ ވަނަ އަހަރުގެ ޖޫންމަހުގެ ތެރޭގައި އީރާނު ސަރުކާރުން އިޢުލާނުކުރި ގޮތުގައި މި ޙަމަލާތަކުގައި ބައިވެރިވި ހުރިހާ ޢިންޞުރުތަކެއް ވަނީ ހައްޔަރު ކުރެވިފައެވެ.
އިސްރާއީލު މި ކަންކަމާ ބެހޭގޮތުން ނޫނެކޭ ވެސް އަދި އާއެކޭ ވެސް ބުނެފައެއް ނުވެއެވެ. އެހެނަސް އިސްރާއީލުގެ ދިފާޢީ ވަޒީރު މޫޝޭ ޔަޢުލޫން ވިދާޅުވިއެވެ. ((އަހަރެމެން ނިޔުކްލިޔަރ ހަތިޔާރު އީރާނަށް ލިބުނުކަ ނުދޭނަމެވެ. އަހުރެމެން މި ކަމަށް ޓަކައި ޙަރަކާތްތެރިވާނަމެވެ. ފިޔަވަޅު އަޅާނަމެވެ. އަހުރެމެން މި ކަން ކުރަން އިސްކަންދޭނީ ދަތިކުރުމުގެ ފިޔަވަޅުތަކުގެ ދަށުންނެވެ. އިސްރާއީލަށް އެމީހުންގެ އަމިއްލަ ނަފްސު ދިފާއު ކުރެވެން ޖެހޭނެއެވެ. މިއީ އަހުރެމެންގެ މަޤްޞަދެވެ.)) އިސްރާއީލުގެ "މެރުމުގެ ޙަމަލާ" ހުއްޓާލީ 2013ގައި އެމެރިކާއިން އެ ޙަމަލާ ހުއްޓައިލުމަށް އަމުރު ކުރުމުންނެވެ.
އެންބީސީ ނޫސް އޭޖެންސީ ބުނާގޮތުގައި އެމެރިކާގެ އިސް ދެ މަސްއޫލުވެރިއަކު ކަށަވަރުކޮށް ދެއްވި ގޮތުގައި މި ޙަމަލާތައް ދެމުންދަނީ އީރާނުގެ "ޕީޕަލްސް މުޖާހިދީން އޮފް އީރާން" ނަމަކަށް ކިޔާ ޖަމާއަތުންނެވެ. އެމީހުންނަށް ތަމްރީނުދީ ފައިސާދީ އެހީވަނީ އިސްރާއީލުންނެވެ. އެންބީސީގެ މި ރިޕޯޓް ބުނާގޮތުގައި 2007ވަނަ އަހަރު މި ޖަމާޢަތުން އީރާނުގެ ސައެންސްވެރިއަކު އަވަހާރަކޮށްލިއެވެ. އަދި 2015ވަނަ އަހަރު އީރާނުގެ ސައެންސްވެރިއަކު އަވަހާރަކޮށްލަން މަސައްކަތް ކުރިއެވެ. އީރާނު ސަރުކާރުން ހާމަކުރި ގޮތުގައި ޠަހަރާނުން ވަނީ މި ޙަމަލާ ހުއްޓުވައިފައެވެ.
އިސްރާއީލުން މި ޙަމަލާއަށް އިޝާރަތްކޮށްފައިވޭ
ޑރ. މުޙްސިން ޒާދާ އަވަހާރަކޮށްލި ޚަބަރާ ބެހޭ ރިޕޯޓެއް ގެނެސްދެމުން އިސްރާއީލުގެ ޚަބަރުފަތުރާ ވަސީލަތްތައް މީގެ ދެ އަހަރު ކުރިން މި ސައެންސްވެރިޔާއާ ބެހޭގޮތުން ބޮޑު ވަޒީރު ނަތަންޔާހޫ ދައްކަވާފައިވާ ވާހަކަފުޅަކަށް އިޝާރަތްކޮށްފައި ވެއެވެ. އިސްރާއީލުގެ ޖާސޫސީ އޭޖެންސީން އީރާނުގެ ނިޔުކްލިއަރ މުހިއްމު ލިޔުންތަކެއް 2018ވަނަ އަހަރު ހޯދައިފައިވާ ކަމަށް ނަތަންޔާހޫ ވިދާޅުވިއެވެ. "އީރާނުން ނިޔުކްލިއަރ ހަތިޔާރު ތަރައްޤީ ކުރަން މަސައްކަތް ކުރަމުންދާ ކަން ޔަޤީންވާ ކަމަށް ނަތަންޔާހޫ ވިދާޅުވިއެވެ. އެހިނދު ނަތަންޔާހޫ ވިދާޅުވިއެވެ… މި ނަން މަތިން ތިޔަބައިމީހުން ހަނދާން ބަހައްޓާށެވެ. އެއީ ފަޚްރީ ޒާދާ އެވެ."
Most Important :
"Remember that name – Fakhrizadeh": Israel Prime Minister giving presentation on him means he was on hit list.
Fakhrizadeh(Nuclear Scientist today who is killed)
#MohsenFakhrizadeh pic.twitter.com/NslXh4z35z
— USM Media (@MediaUsm) November 27, 2020
ހުޅަނގުގެ ޑިޕްލޮމެޓަކު ރޮއިޓަރސް އަށް މި ސައެންސްވެރިޔާއާ ބެހޭގޮތުން ވިދާޅުވިއެވެ. ((އީރާނުން އެ ޤައުމުގެ ނިޔުކްލިއަރ ހަކަތަ ފައްކާކުރަން ފަށައިފިނަމަ އެ ޤައުމުގެ ނިޔުކްލިއަރ ބޮމުގެ ބައްޕައަކަށް ވާނީ ފަޚްރީ ޒާދާއެވެ.))
ފަޚްރީ ޒާދާ އަތްޕުޅުގައި ތިން ޕާސްޕޯޓް އޮންނަ ކަމަށް ވެއެވެ. އޭނާ ދޭތެރެދޭތެރެއިން އޭޝިޔާގެ ބައެއް ޤައުމުތަކަށް ވަޑައިގެން އެންމެ ފަހުގެ މަޢުލޫމާތުތައް ހޯއްދަވައެވެ.